MATTHAI 2:13 - Pathien Lekhabu Inthieng (BSI)

¹³ Chun, an fe hnungin, ngai ta, Lalpa vântirko Josef kuomah a mangah ân lâr a, “Tho la, nautê le a nu ṭhuoi la, Aigupta ramah tlân hmang rawh, ka hril nâwk hmakhat che chu chutaka chun um zing rawh; Herodin nautê sukbo dingin a zawng ding a nih,” a ta.

MATTHAI 2:13 ပူးပေါင်းရင်းမြစ်များ

1 LALHAI 11:17

Hadad chu a pa siehlawhai laia Edom mi ṭhenkhathai leh Aigupta rama tlân dingin an fe a, Hadad chu naupang chitê a la nih.

1 LALHAI 3:5

Chun, Gibeon khuoa chun zânah Lalpa chu Solomon kuomah a mangah a hung inlâr a; chun, Pathienin, “Hni ta, ieng am a na ka pêk ding che?” a ta.

JOB LEKHABU (THE BOOK OF JOB) 33:15

Mangah, zâna mitthlaa thilhmua, Îmu indêntakin mihai chu a hung zêl pha a, Khum chunga îmu inhniktaka a in lai chun a hril a.

JOB LEKHABU (THE BOOK OF JOB) 33:17

Mihriem chu a thiltuma inthawka a lâk hmang theina ding le, Mihriema inthawka chapona chu a thup theina dingin;

FESUOKNA 1:22

Chun, Pharao chun, “Naupasal hung pieng taphawt chu vadungah pei unla, naunuhmei taphawt chu a hringin hla ro,” tiin a mihai chu thu a pêk tlat a.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

MATTHAI 10:23

“Chuongchun, hi khuoa hin an suknawmna pha cheu, khaw dangah tlân san ro; titakzetin ka hril cheu hi, Mihriem Naupa a hung hmain Israel khuohai chu fang suok naw ti niu.

MATTHAI 2:12

Herod kuoma kîr nâwk lo dingin manga hrila an um leiin, lampui dangah an khuo tieng an kîr ta a.

MATTHAI 2:14

Chuongchun, a tho a, azân azânin nautê le a nu a ṭhuoi a, Aiguptaah a fê ta a.

MATTHAI 2:16

Chun, Herodin mi varhai hlêmin a um ti ân hriet phingin a lung a sen bêk bêk a, mi a tir a, a hun laitak thu mi varhai nguntaka ân dawn suo ang khan, Bethlehem le a vêl po poa pasal naupang kum hnia inthawka hnuoitieng po po chu an rêngin a that ta vawng a.

MATTHAI 2:22

Nisienlakhawm, Arkelaus a pa Herod aiawin ân lal ti a hrietin chutaka fe chu a ṭi ta a; chun, a manga hrila a um leiin Galili tieng a fe ta dai a.

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

THILTHAWHAI 10:7

Chun, vântirko a betu chu a fe phingleh, Korneli chun, a siehlawhai laia mi pahni le a rawngbâwl rawphai laia Pathien ngaisak sipai pakhat a ko a;

THILTHAWHAI 12:11

Chun, Peter chu a har phingleh, “Lalpain a vântirko a tir suok a, Herod kut le Juda mihai beiseina po poa inthawkin a mi sandam ti tuhin indiktakin ka hriet tah,” a ta.

THILTHAWHAI 12:7

Chun, ngai ta, Lalpa vântirko pakhat a kâwlah a hung ngîr a, rip sûnga chun var ieng amanih a hung var a, Peter nâkah a khîk har a, “Tho vak rawh,” a ta. Chun, a kuta khaidiethai chu a tla ta a.

THILTHAWHAI 16:36

Chun, intângna in vêngtu chun, Paula kuomah an thu a hril a, “Rorêltuhai chun insuo ding cheuin mi an hung tir a; chuleiin, tuhin hung suok unla, thlamuongtakin fe ro,” a ta.

THILTHAWHAI 5:19

Nisienlakhawm, Lalpa vântirko pakhatin, kawtkhârhai chu a hung hawng a, a ṭhuoi suok ta a,

THILTHAWHAI 7:19

Ama chun ei chihai chu a zaihlêm a, a suknawmna a, an nautêhai dam lo dingin ân pei suoktir hlak.

JOSUA 3:13

chun, Lalpa hnuoi pumpui Lalpa bâwm zâwntu thiempuhai ke chun Jordan tui a sir charin Jordan tui, saktienga inthawka tui hung luonghai chu suktan nîng a ta; chuongchun, hlawm khata intling khâwmin ngîr a tih,” a ta.

JOSUA 3:17

Chun, Lalpa thuthlung bâwm zâwntu thiempuhai chu Jordan vadung laia chun, hnuoi hulah an ngîr zing ta a; mipui po po chun Jordan vadung chu an kai fai vawng chenin Israelhai po po chu hnuoi hula chun an fe kai ta vawng a.

JOSUA 4:10

Mosiein Josua kuoma thu a lo pêk ta po po anga, Lalpain mipuihai kuoma hril dinga Josua thu a pêk chu thaw vawng a ni hmakhat chun thiempu bâwm zâwntuhai chu Jordan vadung lailunga chun an ngîr zing el a. Chuongchun, mipuihai chu inhmawtakin an kai tâwl ta a.

JOSUA 4:18

Thiempuhai Lalpa thuthlung bâwm zâwntuhai chu Jordan vadunga inthawka an hung suok a, thiempuhai ke chun khawmuol chu a sir char leh Jordan tuihai chu an luong pângngaiin an hung luong nâwk a, a hma ang bawk khan a kuonghai po poa chun a luong liem nâwk ta zuoi zuoi a.

THUPUONGSUO 12:14

Chuongchun, thlalêra a hmuna chun a vuong lût theina dingin nuhmei chu mupui lientak thla khing hni an pêk a, chutaka chun rûlpui hmu phâk nawah hun khat le hunhai le hun chenve sûng po châwm an tih.

THUPUONGSUO 12:4

A mei chun vân arasi hmun thuma ṭhea hmun khat chu a kei a, hnuoiah a peithlâk ta a. Chun, a nei phaa a nau chu a lem theina dingin dragon chu nuhmei nau nei ding hmaa chun a ngîr zing a.

THUPUONGSUO 12:6

Chun, nuhmei chu thlalêra Pathien ibuotsai hmun a neinaa chun a tlân hmang a, chutaka chun ni sâng khat za hni sâwmruk an châwm theina dingin.