MATTHAI 2:11 - Pathien Lekhabu Inthieng (BSI)

¹¹ In sûngah an va lût a, a nu Mari kuoma nautê chu an hmu a, an bawkkhup a, chibai an bûk a. Chun, an ro bâwmhai an hawng a, a kuomah lâwmna rângkachak dâm, beraw dâm, murra dâm an pêk a.

MATTHAI 2:11 ပူးပေါင်းရင်းမြစ်များ

INṬANNA 43:11

Chun, an pa Israel chun an kuomah, “Chuong ang a ni si chun hieng ang hin thaw ro, in bâwmhaia khan hi rama thil ṭha ṭhenkhat thinghnai damdawi, khuoizu, riminhnik, murra, theihâwngngar le almond thei dâm tlâwmte sengin ama ta ding chun lâwmman dingin chawi thla ro.

1 LALHAI 10:10

Chun, lal chu rângkachak talent za le sâwmhni le thil riminhnik tamtak el le, lunghluhai a pêk a, Seba lalnuin Solomon thil riminhnik a pêk ang zozaia tam hi a lût ta ngai naw a.

1 LALHAI 10:2

Chun, Jerusalem khuoah, hnung zuitu tamtak ṭhuoiin, thil rim inhnik le rângkachak tamtak le lunghluhai phur sanghâwngseihai ṭhuoiin a fe a; chun, Solomon kuom a tlung chun a lungrila a thu pai po po chu phawr fai rêtin ama a biek a.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni si a. Amaa an ringna innghattuhai po po chu an hamṭha.

INPÂKNA HLABU 45:8

I silfên po po chu murra rim dâm, aloe rim dâm, thingzungthak rim dâm ân nam rum rum a; Saihaa siem lal inhaia ṭingṭang chi tum tum ri hung suokhai chun a sukhlim che a ni hi.

INPÂKNA HLABU 72:10

Tarsis ram le thlierkâra lalhaiin lâwmman hung chawi an ta, Seba le Sheba ram lalhaiin thilpêk hung inhlân bawk an tih.

INPÂKNA HLABU 72:15

Chun, hring an ta, Sheba ram rângkachak chu a kuoma pêk nîng a tih, Mihaiin ama chu ṭawngṭâipêk rawp an ta, Sûnnithlâkin mal sâwmpêk an tih.

INPÂKNA HLABU 95:6

Aw hung unla, chibai bûkin kûn ei tiu, Lalpa a mi Siemtu hmaah dingṭhaṭhuon ei tiu.

FESUOKNA 30:23

“Riminhnik pui deu deuhai la la, murra tui inthieng shekel za nga bûk, thingzungthak riminhnik chu zâtve, chu chu shekel za hni sâwmnga, mafu riminhnik shekel za hni sâwmnga,

FESUOKNA 30:34

Chun, Lalpa chun Mosie kuomah, “Hieng riminhnikhai, stakte le onikha le galbanam la la; hieng riminhnikhai hi rimtui inthieng leh bûk intluk seng an ni ding a nih.

HLAHAI HLA 3:6

Meikhu intung lui lui anga Thlalêra inthawka hung suok a, Dâwrkai paudâr po po le, Beraw le murraa innâl riminhnik hi tu am a na?

ISAI 60:6

Sanghâwngsei tamtak el chun tuom dûl dûl an ti che, Midian le Epha rama sanghâwngsei tuoihai chun: chuong po pohai chu Seba rama inthawkin hung an tih; rângkachak le beraw hung phur an ta, Lalpa inpâkna thu inhriettir an tih.

LEVI DÂN 6:15

Ama chun fâkmi thilinhlâna mi beiphit inditak vei khat le, chu fâkmi thilinhlân chunga hriek le berâw po po la suok a ta, Lalpa ta dinga rim inhnik, hrietzingna dingin maichâma chun a râw ding a nih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

NAMBAR 7:14

shekel sâwm tluka rik riminhnika sip rangkachak haihaw pakhat;

NAMBAR 7:86

Riminhnika sip rângkachak haihaw sâwmpahni chu hmun inthienga shekel sâwm tluka rik seng an nih; rângkachak haihawhai po po chu shekel za le sâwmhni tluka rik a nih;

MATTHAI 1:18

Chun, Isu Krista hung insiengzie chu hieng ang hi a nih: A nu Mari chu Josef le an inhuol laiin, an inpâwl hmain Thlarau Inthiengin ân raitir ti an lo hriet ta a.

MATTHAI 12:46

Mipuihai kuoma thu a la hril lai chun, ngai ta, a nu le a unauhai chu ama biek tumin tuolah an ngîr a.

MATTHAI 14:33

Lawnga umhai chun, “Pathien Naupa i lo ni tak zet hi,” tiin chibai an bûk a.

MATTHAI 2:10

Chun, arasi chu an hmuin an hlim nasa bêk bêk a.

MATTHAI 2:2

“Judahai lal hung pieng chu khâwlai am a um a? A arasi khawsak tieng kan hmu a, ama chibai bûk dingin kan hung a nih,” an ta.

LUKA 2:16

Chuongchun, an fe vat vat a, Mari le Josef leh, ran bu pêkna thlênga nautê zâl le chun an hmu a.

LUKA 2:38

Chun, chu lai tak chun ama chu a hung a, Pathien kuomah lâwmthu a hril a, Jerusalem intlan beiseihai taphawt kuoma chun Isu chanchin a hril a.

JOHAN 19:39

Chun, Nikodem, (a tîra zâna a kuoma hung khan,) murra le aloe inpawlsa bûk sâwmnga lai chawiin a hung ve a.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl ta a; chuong riminhnikhai chu mi inthienghai ṭawngṭaina a nih.

1 SAMUEL 10:27

Amiruokchu, Belial nauhai tuhaiin amani ruok chun, “Hi mipa hin iengtin am mi sandam thei hlak a ta?” an ta. Chuongchun, ama chu an ngainêp a, thilpêk hrim hrim an pêk nuom naw a. Nisienlakhawm, ama chu a to zing a.