MATTHAI 2:1 - Pathien Lekhabu Inthieng (BSI)

¹ Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a,

MATTHAI 2:1 ပူးပေါင်းရင်းမြစ်များ

INṬANNA 10:30

Chun, an umna chu Mesaa inthawkin khawsak tlâng Sephar pan zâwngin a nih.

INṬANNA 25:6

A thaikêm naupasalhai kuoma ruok chun lâwmmanhai a pêk a; chun, ama la dam lai ngei chun a naupa Isak kuoma inthawk chun, saktieng, khawsak ramah, ân fe hmangtir tâwl ta a.

INṬANNA 41:8

Chun, zîngtieng chun a lunginzîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um naw a.

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

1 LALHAI 4:30

Solomon varna chun khawsak nauhai po po varna le Aigupta mihai varna po po chu a khûm vawng a.

1 CHANCHIN SUINA 2:51

Beth-lehemhai thlatu Salma, Beth-gaderhai thlatu Hareph leh an nih.

JOB LEKHABU (THE BOOK OF JOB) 1:3

A ran ruol khawm chu berâm sâng sari, sanghâwngsei sâng thum, bâwngchal tuok za nga, sabengtungpui za nga le insûng ropuitak el leh a nih; chuongchun, chu mipa chu khawsak rama mihai po po laia a ropui tak a nih.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MATTHAI 1:25

nisienlakhawm, naupasal a nei hmakhat chu a pâwl naw a; chun, a hming chu ISU a sak ta a.

MATTHAI 2:16

Chun, Herodin mi varhai hlêmin a um ti ân hriet phingin a lung a sen bêk bêk a, mi a tir a, a hun laitak thu mi varhai nguntaka ân dawn suo ang khan, Bethlehem le a vêl po poa pasal naupang kum hnia inthawka hnuoitieng po po chu an rêngin a that ta vawng a.

MATTHAI 2:19

Nisienlakhawm, Herod chu a thi hnungin, ngai ta, Lalpa vântirko Aiguptaa chun Josef kuomah mangah ân lâr a,

MATTHAI 2:3

Lal Herod chun a hriet phingleh a lunginzîng ta a, Jerusalema mi po po khawm an lunginzîng ve a.

MATTHAI 2:5

Anni chun a kuomah, “Juda rama Bethlehemah hieng ang hin zâwlneiin a ziek kha,

MATTHAI 2:7

Chu hnunga chun Herodin mi varhai chu arûkin a ko a, arasi inlang hun chu nguntakin anni ân dawn a.

LUKA 1:5

Judai ram lal Herod a dam laiin, Abija pâwla mi a hming Zakaria, thiempu pakhat a um a. Ama chun Aron thlaa mi nuhmeiin a nei a, a hming chu Elizabeth a nih.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

LUKA 2:15

Chun, vântirkohai chun vân tieng an fe san phingleh, berâm vêngtuhai chun, “Tuhin Bethlehem chenin fêng ei ta, Lalpain thu a mi hril hung tlung chu en ei tiu,” an ti a.

JOHAN 7:42

Krista chu David thlahai laiah, David umna khuo Bethlehemah a suok ding a nih ti Pathien Lekhain a hril naw am a nih?” an ta.

RORELTUHAI 17:7

Chun, Bethlehem-judaa mi Juda hnam, Levi chi tlangvâl pakhat a um a, chutaka chun a va um ve vak a.