MATTHAI 19:9 - Pathien Lekhabu Inthieng (BSI)

⁹ Kei chun ka ti cheu hi, tukhawm tlangvâl dit lei ni lova, nuhmei maa, mi dang nei taphawt chu a uire a nih; mâk hnung chu nei taphawt khawm a uire a nih,” a ta.

MATTHAI 19:9 ပူးပေါင်းရင်းမြစ်များ

INṬANNA 20:3

Nisienlakhawm, Pathien chu Abimelek kuomah zânah a mangah a hung a, a kuomah, “Ngai ta, i nuhmei ṭhuoi lei hin mi thi el i ni tah; mi nuhmei a ni si a,” a ta.

2 CHANCHIN SUINA 21:11

Chunawa khawm chun Juda ram tlângahai chun bâwlhmunhai a siem a, Jerusalema umhai chu ân uirettir a, chuongchun, Juda ram chu an lo ṭhuoi hmang ta a.

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

EZEKIEL 16:15

“Nisienlakhawm, i hmêl ṭhatna chu i ring a, i hming inthangna lei chun nawchizawrah i um ta a; nangma hung khêltu taphawthai chunga chun i châkna chu i phal a; ama ta a ni ta a.

EZEKIEL 16:29

Chu nawa khawm chun Kanaan rama chun, Kaldai ram chenin i hurna chu i sukpung a; chu khawm chun i la lungawi tâwk naw a.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

MATTHAI 19:10

Inchûktirhai chun a kuomah, “Nuhmei kawngah pasal thu chuong ang a ni si chun, innei a ṭha naw ie,” an ta.

MATTHAI 19:8

Ama chun an kuomah, “Mosiein in lungril ngar leiin annâwm in nuhmeihai mâk a phal; nisienlakhawm, a tîra inthawkin chuong ang a ni si nawh.

MATTHAI 5:32

Kei ruok chun, tukhawm tlangvâl dit lei ni lova mâni nuhmei ma taphawt chun, ama chu ân uirettir a nih; tukhawm mâk hnung chu nei taphawt chu a uire a nih ti ka hril cheu hi.

LUKA 16:18

“Tûkhawm a nuhmei maa, nuhmei dang nei taphawt chu a uire a nih; tûkhawm mi nuhmei mâk nei taphawt chu a uire a nih.

1 KORINTH 5:1

Nangni lai inditna pawrche a um ti ân thang veng vung a nih, chuong ang inditna chu Jentailhai lai hmana um ngai lo, nangni laia mi pakhatin mâni pa nuhmei a nei kha.

1 KORINTH 7:39

Nuhmei chu a pasal dam sûng po po chu phuor a na; nisienlakhawm, a pasal a thi ta chun a nuom nuom nei thei a tih; amiruokchu, Lalpaa um mi a ni ding a nih.

1 KORINTH 7:4

Nuhmei chun ama taksa chungah thu a nei naw a, a pasal chun thu a nei lem a nih; chuong ang bawkin pasal khawm chun mâni taksa chungah thu a nei naw a, a nuhmei chun thu a nei lem a nih.