MATTHAI 19:29 - Pathien Lekhabu Inthieng (BSI)

²⁹ Chun, mi tukhawm inhai amanih, unauhai amanih, farnuhai amanih, pa amanih, nu amanih, nuhmei amanih, nauhai amanih, ramhai amanih, ka hming leia fesan taphawt chun, a let za hmûng an ta, kumkhuoa hringna chang bawk an tih.

MATTHAI 19:29 ပူးပေါင်းရင်းမြစ်များ

THUHRILTU 3:6

Zawng hun le inhmang hun a um a, Vawng hun le peihâwn hun a um a;

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

MATTHAI 13:23

Chun, leihnuoi ṭha chunga the chu, thu chu naa hre a, a ngaina hre bawk hi a nih. Chu chu a ra ngei a, ṭhenkhat a lêt za dâm, ṭhenkhat a lêt sâwmruk dâmin, ṭhenkhat a lêt sâwmthum dâmin a pung hlak,” a ta.

MATTHAI 13:8

A ṭhen hnuoi ṭhaah a tla a, ṭhenkhat a lêt za dâm, ṭhenkhat a lêt sâwmruk dâm, ṭhenkhat a lêt sâwmthum dâmin a hung ra ta a.

MATTHAI 16:25

Tukhawm a hringna hum nuom taphawt chun chân a tih; tukhawm keia leia hringna chân phawt chun hum a tih.

MATTHAI 19:16

Chun, mi pakhat a hung a, a kuomah, “Inchûktirtu, kumkhuoa hringna ka nei theina dingin thil ṭha ieng am thâwng ka ta?” a ta.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

MATTHAI 5:11

“Miin keima leia an hal cheu a, an suknawmna cheu a; khêla suol tinrêngin an hêk pha cheu, in la hamṭha ding a nih.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

LUKA 14:26

“Tûkhawm ka kuoma hung chun a pa dâm, a nu dâm, a nuhmei dâm, a nauhai, a unauhai, a farnuhai, ama hringna chenin a theida naw chun, ka închûktir ni thei naw ni.

LUKA 5:11

Chun, an lawnghai chu vapangah an ṭhuoi kai a, iengkim mâksanin ama an zui ta a.

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

JOHAN 15:19

Nangni khawvêla mi ni unla, khawvêlin amaa mi a hmangai ding bah; khawvêla mi in ni si naw a, khawvêla inthawka ka thlang suok lem cheu leiin, khawvêlin a theida cheu a nih.

JOHAN 4:36

A sîktu chun hlaw a hmu hlak a, chatuona hringna chena um dingin ra a sîk hlak, a tutu le a sîktu an lâwm rêl theina dingin.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

2 KORINTH 5:16

Chuleichun, tuta inthawk chu, mihriem en dânin tukhawm kan en ta nawh; inhma khan mihriem hriet dânin Krista lo hre ta inlang khawm, tuhin chu chuong ang chun kan hriet ta nawh.

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.

3 JOHAN 1:7

Jentailhai kuoma inthawkin iengkhawm la lovin a Hming lei chun an inthawk suok si a.