MATTHAI 19:26 - Pathien Lekhabu Inthieng (BSI)

²⁶ Chun, Isûn anni chu a en a, an kuomah, “Chu chu mihriem ithaw ruol a ni naw a; Pathien ding ruok chun iengkim thaw thei a nih,” a ta.

MATTHAI 19:26 ပူးပေါင်းရင်းမြစ်များ

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

1 LALHAI 17:16

Elija hmanga a hril Lalpa thu ang khan, beiphit bêl chu a ruok chuong naw a, sahriek bûr khawm chu a kang bawk nawh.

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni naw a.

INPÂKNA HLABU 3:8

Sandamna chu Lalpa ta a na, I malsâwmna chu i mihai chungah um raw se.

INPÂKNA HLABU 62:11

Pathien chun vawikhat a hril a, E! hi hi vawi hni ka hriet tah: Thilthawtheina hi Pathien ta a nih ti hi.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 32:27

“Ngai ta, mi tinrêng Pathien, Lalpa chu ka nih, keia ta dingin thil intak taluo a um am a nih?

ZEKARIA 8:6

Sipaihai Lalpa chun hieng hin a tih, “Chuong nihaia chun hi chi hlaa umhai mithmua hin a mak hle chun, keia mithmua khawm a mak hle naw ding am a nih?” sipaihai Lalpa chun a tih.

NAMBAR 11:23

Lalpa chun Mosie kuomah, “Lalpa kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

MATTHAI 19:25

Chun, inchûktirhai chun chu chu an hriet chun, mak an ti nasa bêk bêk a, “Tu am sandam ni thei a ta?” an ta.

MATTHAI 19:27

Chun, Peterin a kuomah, “Ngai ta, keinin iengkim mâksanin kan zui ta che a; ieng am hmûng kan ta le?” a ta, ân dawn a.

MARKA 10:27

Isûn anni chu a en a, “Chu chu mihriem ta dingin thaw ruol a ni naw a, Pathien ta ding ruok chun thaw ruol lo a ni nawh; Pathien ta dingin iengkim thaw thei a ni si a,” a ta.

LUKA 1:37

Pathien ta ding chun thaw thei naw iengkhawm a um si naw a,” a ta.

LUKA 18:27

Ama ruok chun, “Mihriem thaw ruollo hi Pathien thaw thei a nih,” a ta.

HEBRAIHAI 6:6

tlûksanhai kawng thu chu chuong mihai chu an simna dingin siem thar nâwk ruol an ni nawh, Pathien Naupa chu anni ta dinga hemde nâwka sukmuolpho an ni leiin.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.