MATTHAI 19:10 - Pathien Lekhabu Inthieng (BSI)

¹⁰ Inchûktirhai chun a kuomah, “Nuhmei kawngah pasal thu chuong ang a ni si chun, innei a ṭha naw ie,” an ta.

MATTHAI 19:10 ပူးပေါင်းရင်းမြစ်များ

INṬANNA 2:18

Chun, Lalpa Pathien chun, “Mihriem ama khât baka a um hi a ṭha nawh ie; ama ṭhangpuitu ding, ân kawppui ding âwm mî siempêk ka tih ie,” a ta.

THUVARHAI 18:22

Tukhawm nuhmei hmutu chun thil ṭha a hmu a nih, Lalpa ditsakna khawm a chang a nih.

THUVARHAI 21:19

Nuhmei awnazawng le hrângsie le um nêkin, Thlalêr rama um a ṭha lem.

THUVARHAI 21:9

Nuhmei hrângsie le in liena um nêk chun, Inchung sîp kilkhâwra chêng chu a ṭha lem.

MATTHAI 19:11

Ama ruok chun an kuomah, “Chu thu chu mi nazawngin an pawm thei nawh, a ipêkhai chau naw chun.

MATTHAI 19:9

Kei chun ka ti cheu hi, tukhawm tlangvâl dit lei ni lova, nuhmei maa, mi dang nei taphawt chu a uire a nih; mâk hnung chu nei taphawt khawm a uire a nih,” a ta.

1 KORINTH 7:8

Nisienlakhawm, lêngṭulhai le hmeithaihai kuoma chun hi ka ti a nih; keia angtak hin um hai sien an ta dingin ṭhâng a tih.

1 TIMOTHE 4:3

innei an khap hlak a, iengkhat fâk dinghai (thutak hrea ringtuhai lâwmthu hrila pawm dinga Pathienin a isiemhai chu) fâk naw ding an ti hlak.