MATTHAI 18:16 - Pathien Lekhabu Inthieng (BSI)

¹⁶ A ngai naw ruok che chun, mi dang pakhat amanih, pahni amanih i kuomah ṭhuoi la, chuongchun, thu tinrêng chu hretu pahni amanih, pathum amanih baua sukdet a ni theina dingin.

MATTHAI 18:16 ပူးပေါင်းရင်းမြစ်များ

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa inthawk chun an ṭhuoi suok a, lungin an dêng a, a thi ta a.

NAMBAR 35:30

Tukhawma mi a that chun tuolthattu chu hretuhai bâua inthawka thu suokin sukhlum ding a nih; amiruokchu, hretu pakhat chau chu, chu chu sukhlumna ding chun a hun nawh.

JOHAN 8:17

Anih, in Dân Lekhabua khawm, ‘Mi pahni thu ân dik,’ ti ziek a ni bawk annâwm.

2 KORINTH 13:1

Hi hi in kuoma ka hung a vawi thumna ding a nih. Hretuhai pahni amanih, pathum amani baua chun thu tinrêng sukdetin um a tih.

DÂN PAHNINA 17:6

Hretu pahni amanih, pathum amani bâua inthawkin thi ding chu sukhlum ding a nih, hretu pakhat chau bâua inthawk chun sukhlum ding a ni nawh.

DÂN PAHNINA 19:15

“Mi a rîtlona amanih, a suolna hrim hrim amanih hretu pakhat chau chu huntâwk naw nih; hretu pahni bâu amanih, hretu pathum bâu amania sukdet ding a nih.

1 TIMOTHE 5:19

Kohran upa an hêkna chu hretu pahni amanih, pathum amanih baua inthawk naw chu pawm naw.

HEBRAIHAI 10:28

Mosie Dân thu pawisa naw mi chu, hretu pahni pathum amani thuin lainatna ṭhang lovin an thi hlak.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.