MATTHAI 17:9 - Pathien Lekhabu Inthieng (BSI)

⁹ Chun, tlânga inthawka an ṭum lai chun, Isûn an kuomah, “Mihriem Naupa hi mithi laia inthawka a thonâwk hmakhat chu in thil hmu kha tukhawm hril naw ro,” tiin thu a pêk ta a.

MATTHAI 17:9 ပူးပေါင်းရင်းမြစ်များ

MATTHAI 12:16

Chun, mi tamtakin ama an zui a, an rêngin a lo sukdam vawng a, a chanchin puong lo dingin an kuomah a ti tlat a.

MATTHAI 17:12

Nisienlakhawm, ka hril cheu, Elija chu a hung tah a nih, ama chu an hriet naw a, a chungah an nuom nuomin an thaw ta lem a. Chuong ang bawkin Mihriem Naupa khawm hin annia inthawkin a tuor ve ding a nih,” a ta, a dawn a.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 17:22

Chun, Galili rama an hung inkhâwm laiin, Isûn an kuomah, “Mihriem Naupa hi mihriemhai kuta inmantirin a um ding a nih;

MATTHAI 17:23

chun, sukhlum an ta, chun, ni thum nia chun keithoin um a tih,” a ta. Chuongchun, an lungngai ta bêk bêk a.

MATTHAI 17:8

Chun, an hang dâk a, Isu chau naw chu tukhawm an hmu ta naw a.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

MATTHAI 8:4

Chun, Isûn a kuomah, “Tukhawm hril lo dingin fîmkhur raw aw; amiruokchu, thiempu kuomah vân entir la, Mosiein pêk dinga a ruothai kha inhlân rawh, an hriet felna dingin,” a ta.

MARKA 8:30

Chun, ama chun a chanchin thu chu tukhawm hril lo ding a ti tlat a.

LUKA 8:56

Chun, a nu le pa chun mak an ti hle a; nisienlakhawm, ama chun, a thilthaw chu tukhawm hril lo dingin a ti tlat a.

LUKA 9:36

Chun, râwl chu a bo phingleh, Isu chu khât chauin an hmu ta a. Chun, an to zing a, chuong lai vêl chun an thil hmu chu tukhawm an hril nawh.