MATTHAI 17:5 - Pathien Lekhabu Inthieng (BSI)

⁵ A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 17:5 ပူးပေါင်းရင်းမြစ်များ

JOB LEKHABU (THE BOOK OF JOB) 38:1

Chun, thlivira inthawkin Lalpa chun Job chu a hung dawn a, a hril ta a:

INPÂKNA HLABU 81:7

Lunginzîngin in mi ko a, ka sanhim cheu a, Vâninrûm inbîkhmangna hmuna khan ka dawn cheu a; Meriba tuia khan kân fie cheu kha.

FESUOKNA 19:19

Tawtawrâwt ri chu a hung inring deu deu chun Mosie chun a hang biek a, Pathien râwlriin a hung dawn ta a.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 42:21

Dân chu a felna leia sukliena suk- inzaum chu Lalpa chun ṭha a ti a.

MATTHAI 12:18

“En ta, ka siehlaw, ka ithlang, Ka idittak, ka lungrilin a ilâwm bêk bêk hi; A chungah ka Thlarau sieng ka ta, Chuongchun, Jentailhai kuomah rorêlna thu hril a tih.

MATTHAI 17:6

Inchûktirhai chun chu chu an hrietin bawkkhupin an tlu a, an ṭi ta bêk bêk a.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

MARKA 1:11

Chun, “Nang ka Naupa dittak i nih, i chungah ka lungni bêk bêk a nih,” tiin vâna inthawkin râwl a hung suok a.

MARKA 9:7

Chun, anni chu hliein sûm a hung suok a, “Ahi ka Naupa dittak a nih, ama thu ngai ro,” a ta.

LUKA 3:22

Thlarau Inthieng chu taksa putin vaṭhu angin a hung ṭum a, a chungah a fu ta a; chun, vâna inthawkin râwl a hung suok a, “Nang ka Naupa dittak i nih; i chungah ka lâwm ngawt el,” a ta.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

JOHAN 3:35

Pa chun Nau a hmangai a, a kutah iengkim a rêngin a pêk tah.

JOHAN 5:37

Pa a mi tirtu khawm chun ka chanchin ân hriettir tah. Nangnîn iengtik khawm a râwl in hriet ngai nawh, a hmêl khawm in hmu ngai nawh.

THILTHAWHAI 1:9

Chun, chuong thu chu a hril zoin an hmu zing pumin, vân tienga ṭhuoiin a um a; chun, sûmin an hmu phâk nawah a ṭhuoi hmang ta a.

THILTHAWHAI 7:37

“Israel mihai kuomah ‘Pathienin kei a mi siem ang hin, in unauhai laia mi zâwlnei pakhat siempêk a ti cheu,’ titu kha a nih, chu Mosie chu.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

DÂN PAHNINA 18:15

“Lalpa in Pathienin keima ang hi in unauhai laia mi, zâwlnei siempêk a ti cheu; a thu chu in zâwm ding a nih.

DÂN PAHNINA 18:19

Chun, ka hminga ka thu a hril pawm naw taphawt chu ngaituong ka tih.

DÂN PAHNINA 5:22

“Hieng thuhai hi, tlânga mei dâm, inthim dâm, inthim sâmup dâma inthawkin Lalpain rawl inringtakin in rênga pungkhâwmhai kuomah a hril a, a belsa nâwk chuong ta naw a. Chuong chu lungphêk pahniah a ziek a, a mi pêk a.

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 14:14

Chun, ka hang en a, sûm vâr tak ka hmu a. Sûm chunga chun mihriem naupa ang tak hi, rângkachak lallukhum khuma, kâwite ngeitak chawia ṭhung ka hmu bawk a.