MATTHAI 17:3 - Pathien Lekhabu Inthieng (BSI)

³ Chun, ngai ta, Mosie le Elija an hung inlâr a, ama chu an inbiekpui a.

MATTHAI 17:3 ပူးပေါင်းရင်းမြစ်များ

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “Lalpa, a hmaa ka ngîrna hlak, Israelhai Pathien hringna sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

MALAKI 4:5

Ngai ta u, Lalpa hungna ni ṭium- tak le nasatak hma ngei chun zâwlnei Elija chu hung tirpêk ka ti cheu.

MATTHAI 17:2

an hmaa chun a hmêl umzie chu a hung danglam ta a; a hmai nisa angin a hung var a; a silfênhai chu vûr angin a hung vâr ta a.

MATTHAI 17:4

Chun, Peterin Isu a biek a, “Lalpa, ei ta dingin hitaka um hi a ṭha; i nuom chun hitaka hin bâwkte pathum khâwng ka ta; i ta dingin pakhat, Mosie ta dingin pakhat, Elija ta dingin pakhat,” a ti a.

MARKA 9:4

Chun, Elija le Mosie chu an kuomah an hung inlâr a, Isu le chun an inbiek ta a.

LUKA 1:17

Chun, pahai lungril chu nauhai tienga innghattir ding dâm, mi kâwmawhai chu mi feltak varna tienga innghattir ding dâm, Lalpa ta dinga mihai lo buotsai dingin Elija lungril le thilthawtheina putin Lalpa hmaah fêng a tih,” a ta.

LUKA 16:16

Johan a hung hma po khan Dân le Zâwlneihai kha hmang an nih. A hung chena inthawk ruok chun Pathien ram chanchin ṭha hril a ni a, mitinin lût ngei an tum seng a,

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

LUKA 9:33

Chun, anni chun Isu an mâksan ding laiin, Peterin Isu kuomah, “Inchûktirtu, ei ta dingin hitaka um zing hi a ṭha; bâwkte pathum khâwng kan tih, i ta dingin pakhat, Elija ta dingin pakhat, Mosie ta dingin pakhat,” a ta, a thu hril khawm hre lovin.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.

DÂN PAHNINA 34:10

Chutaka inthawk chu Israelhai lai chun Mosie anga Lalpain hmaisan meua a biek zâwlnei hrim hrim an hung um ta naw a,