MATTHAI 17:23 - Pathien Lekhabu Inthieng (BSI)

²³ chun, sukhlum an ta, chun, ni thum nia chun keithoin um a tih,” a ta. Chuongchun, an lungngai ta bêk bêk a.

MATTHAI 17:23 ပူးပေါင်းရင်းမြစ်များ

INPÂKNA HLABU 16:10

Ka thlarau chu Seol kuomah i mâksan âwm si naw a, I mi inthieng hi hmawnna hmu i phal âwm bawk si naw a.

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni lovin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; sukrêma umna ding chu ruot a ni ta si a.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 16:21

Chu chena inthawk chun, Isûn Jerusalema a fe dingzie dâm, upahai, thiempu lalhai, Dân inchûktirtuhaia inthawka thil tamtak a tuor dingzie dâm, sukhluma a um dingzie dâm le ni thum nia keithoa a um dingzie dâm chu a inchûktirhai chu ân hriettir phut ta a.

MATTHAI 17:9

Chun, tlânga inthawka an ṭum lai chun, Isûn an kuomah, “Mihriem Naupa hi mithi laia inthawka a thonâwk hmakhat chu in thil hmu kha tukhawm hril naw ro,” tiin thu a pêk ta a.

MATTHAI 20:19

nuiza siemna dinga hmang ding le, vuok ding le krawsa hemde dingin Jentailhai kuomah pêng an tih; chun, ni thum niin keithoin um a tih,” a ta.

MATTHAI 27:63

“Pu, chu hlêmtu chun, a dam lai khan ‘Ni thum chenah thonâwk ka tih,’ a ti kan hriet zing a.

MARKA 8:31

Chun, Mihriem Naupa chun thil tamtak a tuor dingzie dâm, upahai, thiempu lalhai le, Dân inchûktirtuhai dit nawa a um ding dâm, sukhluma a la um ding dâm, ni thum hnunga a thonâwk dingzie dâm anni ân chûktir ṭan ta a.

MARKA 9:30

Chun, chutaka inthawk chun, an fe suok a, Galili ram chu an fe thleng a, tu ihriet khawm a nuom naw a.

JOHAN 16:6

Nisienlakhawm, hieng thu hi in kuomah ka hril leiin in lungril chu lungngaiin a sip ṭeu lem ta a.

JOHAN 2:19

Isûn an kuomah, “Hi in hi sukse unla, ni thum sûngin inngîr nâwk ka tih,” a ta, a dawn a.