MATTHAI 17:18 - Pathien Lekhabu Inthieng (BSI)

¹⁸ Chun, Isûn khawhri chu a hal a, a sûnga inthawk chun a suok ta a; chu dâr chena inthawk chu naupang chu a hung dam ta a.

MATTHAI 17:18 ပူးပေါင်းရင်းမြစ်များ

MATTHAI 12:22

Chu lai chun, mitdel ṭawngtheinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei ta a.

MATTHAI 15:28

Chu phingleh Isûn a kuomah, “Nuhmei, i ringna a nasa êm el; i dit ang takin i chungah um raw se,” a ta, a dawn a. Chuongchun, a naunu chu, chu chena chun a hung dam el ta a.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka ta, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MATTHAI 17:19

Chun, inchûktirhai chu a tumin Isu kuomah an hung a, “Iengdinga keinîn kan hnawt dawk thei naw am a na?” an ta.

MATTHAI 9:22

Chun, Isu a ngha a, ama chu a hmu a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam ta a.

MARKA 1:34

Chuongchun, mi tamtak natna tinrêng invawihai chu a sukdam a, khawhri tamtak a hnawt suok bawk a; khawhrihai chun ama an hriet leiin an ṭawng a phal naw a.

MARKA 5:8

(Isu chun a kuomah, “Nang khawhri inthieng naw, mihriem sûnga hi suok rawh,” a lo ti nghâl ta a.)

LUKA 4:41

Chun, khawhrihai khawm, “Pathien Naupa i nih,” tia khêkin, mi tamtak sûnga inthawkin an hung suok a. Chun, anni a hal a, Krista a nih ti an hriet leiin an ṭawng a phal naw a.

LUKA 8:29

(Isûn khawhri inthieng naw chu, chu mipa sûnga inthawka suok dingin thu a lo pêk ta si a. Chu mipa chu khawhri chun a man rawp hlak a nih; mihaiin khaidiet le kawl an inbuntir hlak a, an vêng zing hlak a; nisienlakhawm, a khuopnahai chu a suktan a, khawhri chun thlalêrahai a hnawt suok hlak).

LUKA 9:42

Chun, a hung laiin, khawhri chun a sukthlûk rak a, nasatakin a sawisa ta a. Nisienlakhawm, Isûn khawhri inthieng naw chu a hal a, naupang chu a sukdam a, a pa kuoma chun ân fetir nâwk ta a.

THILTHAWHAI 16:18

Chuong ang chun, ni sâwt rei a thaw hlak a. Chuongchun, Paula chu a lungni ta naw a, a ngha a, khawhri kuoma chun, “Isu Krista hmingin a sûnga inthawkin suok thu ka pêk che,” a ta. Chun, chu lai tak chun a suok nghâl ta a.