MATTHAI 16:27 - Pathien Lekhabu Inthieng (BSI)

²⁷ Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

MATTHAI 16:27 ပူးပေါင်းရင်းမြစ်များ

JOB LEKHABU (THE BOOK OF JOB) 34:11

Mi chu a sinthaw ang peiin ama kuomah a pêk ding a na, A lampuihai ang peiin mi tin chu ân hmutir ding a ni hi.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

THUVARHAI 24:12

“Ngai ta u, hi mi hi kan hriet nawh,” in ti chun, Lungrilhai ngaituo bûktu chun a ngaituo naw ding am a nih? I lungril vawng ṭhatu chun a hriet naw ding am a nih? Mi tin kuomah a sinthaw ang peiin a pêk ding a ni naw am a nih?

THUHRILTU 3:17

Ka lungril chun, “Pathien chun mi fel le rilo chunga chun ro rêl a tih; sin tinrêng le thiltum tinrênga dingin hun a um si a,” ka ti a.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 32:19

rorêlnaa ropui le, sinthawa thilthawthei tak, mihriem nauhai umdân po po hmu zing hlak; mi tin chu ama um dân le a thilthawhai ang peia pe dingin;

EZEKIEL 18:20

Mi a suksuoltu chu, chu chu thîng a ta; naupa chun pa suolna chu phur naw ni a, pa khawma naupa suolna chu phur bawk naw ni; mi fel felna chu mi fel chunga chun um a ta, mi rilo rîtlona chu mi rilo chunga bawk chun um a tih.

EZEKIEL 7:27

Lal chu lusûnin um a ta, hotu khawm chu beidawngnain inthuom a tih; chun, rama mipuihai kuthai chu sukbuoi nîng a ta; an um dânhai ang peiin an chungah thâwng ka tih; chun, an ngaithana ang peiin rorêlpêk ka ta; chun, Lalpa ka ni ti mi hre tâng an tih,” tiin.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um ta a.

ZEKARIA 14:5

Chun, ka tlâng kâra ruomah chun tlânsieng in ta; tlâng kâra ruom chun Azel a tlung rak ding a ni si a: anih, Juda lal Uzzia inlal laia simkhawleihnuoi inhnînga in tlânsiet ang khan, tlânsieng in tih; chun, Lalpa ka Pathien chu hung a tih, a kuoma mi inthienghai po po leh.

MATTHAI 13:41

Mihriem Naupa hin a vântirkohai chu tir dawk a ta, a rama inthawka insuksuoltirtuhai le thil suksuoltuhai po po chu thlang dawk an ta,

MATTHAI 13:49

Khawvêl tâwp pha chun chuong ang bawk chun la um a tih; vântirkohai chu hung suok an ta, mi fel laia inthawkin mi suol hai chu ṭhêng an ta,

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 26:64

Isûn a kuomah, “I hril ang chun ka nih; chu nawa khawm, ka hril cheu hi, hi hnung leh Mihriem Naupa hi thilthawtheina changtienga ṭhunga, vân sûm chunga hung in la hmu ding a nih,” a ta.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

MARKA 14:62

Chun, Isûn, “Ni e, Mihriem Naupa hi thilthawtheina chang tienga ṭhunga, vân sûm laia hung la hmûng in tih,” a ta.

MARKA 8:38

Tukhawm tulai ruolthar uire le suksuol hmanghai laia kei le ka thu inzapuihai po chu, Mihriem Naupa hin vântirko inthienghai le a Pa ropuinaa inthuoma a hung pha chun, ama chu hung inzapui ve thung a tih,” a ta

LUKA 21:27

Chu pha chun Mihriem Naupa hi thilthawtheina leh, ropuina nasatak leh sûm laia hung hmûng an tih.

LUKA 22:69

Nisienlakhawm, tuta inthawk chu Mihriem Naupa hi Pathien thilthawtheina changtieng ṭhung tâng a tih,” a ta.

LUKA 9:26

Tûkhawm kei le ka thu inzapui taphawt chu, Mihriem Naupa hin ama ropuina leh, a Pa ropuina leh, a vântirko inthienghai ropuina leh a hung pha chun ama chu hung inzapui vêng a tih.

JOHAN 21:22

Isûn a kuomah, “Ka hung nâwk chena um zing dingin dit lang lem chu, chu chu ienga i hmang ding am a na? Nangin mi zui el rawh,” a ta.

JOHAN 21:23

Chuongchun, chu inchûktir chu thi naw dingin a thu unauhai lai ân thang ta a. Nisienlakhawm, Isûn thi naw ni ti a kuomah a hril si nawh, “Ka hung nâwk chena um zing dingin dit lang lem chu, chu chu ienga i hmang ding am a na?” a ti el a ni si a.

THILTHAWHAI 1:11

Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:12

Chuongchun, ei rêngin Pathien kuomah mâni chanchin ei hril seng ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:6

Pathien chun mi tin an sinthaw ang peiin rêlpêk a tih,

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 KORINTH 3:13

ni chun a suklang ding a ni si a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.

1 KORINTH 8:8

Nisienlakhawm, fâk ding hin Pathien mit mîn tlungtir chuong naw ni; fa naw inla khawm se chuong naw bawk ei tih; fa inla khawm ṭha chuong naw bawk ei tih.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

EPHESI 6:8

suok ni sienla, suok ni naw sienla khawm, mi tinin thil ṭha an thaw senghai chu Lalpa kuoma inthawkin a ngai bawk hmu nâwk an tih ti hre zing ro.

KOLOSSA 3:25

Thil indik naw thawtu chun a thil indik naw thaw man hmûng a tih, mi thlier bîkna hrim a um si naw a.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni si a; chun, Kristaa thi tahai chu tho hmasâng an tih.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmu a. Chun, lekhabuhai an phar a,lekhabu dang Hringna bu chu an phar bawk a, mithihai chu lekhabuhaia ziek an thilthaw ang peiin rêlpêkin an um ta a.