MATTHAI 16:24 - Pathien Lekhabu Inthieng (BSI)

²⁴ Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

MATTHAI 16:24 ပူးပေါင်းရင်းမြစ်များ

MATTHAI 10:38

Tukhawm a kraws puta mi zui naw chu ka mi ni tlâk a ni nawh.

MATTHAI 27:32

Chun, an fe suok laiin Kurini khuoa mi, a hming Simon an hmu a; chu mipa chu a kraws put dingin an man a.

MARKA 10:21

Chun, Isûn ama chu a en a, a hmangai ta a, a kuomah, “Kawng khat i la bâk, fe la, i nei taphawt zawr la, pasiehai kuomah pe rawh, chuongchun, vânah ro nei i tih; chun, hung la mi hung zui rawh,” a ta.

MARKA 15:21

Chun, mi invâk mei mei pakhat, rama inthawka hung, Simon Kurinia um, Alexander le Rufa pa chu a kraws puttu dingin an man a.

MARKA 8:34

Chun, mipuihai chu a închûktirhai le chun a ko a, an kuomah, “Tukhawm a mi zui nuom chun mâni inhnâwlin, a kraws putin mi zui raw se.

LUKA 14:27

Tûkhawm mâni kraws puta mi zui naw chu, ka închûktir ni thei naw ni.

LUKA 23:26

Chun, an ṭhuoi hmang laiin Simon, Kurinia mi, rama inthawka hung an man a. Isu hnung tienga put dingin a chungah kraws chu an innghat a.

JOHAN 19:17

Chuongchun, Isu chu an ṭhuoi ta a. Ama chun mâni ta dinga kraws putin, “Lu ru hmun,” an ti, Hebrai ṭawng chun Golgotha an ti, chu hmun chen chun a va suok a.

JOHAN 21:19

Chuong thu chu ienganga thiin am Pathien a chawimawi ding ti inhriettirna dingin a hril a nih. Chun, chu chu a hril zoin a kuomah, “Mi zui rawh,” a ta.

JOHAN 21:22

Isûn a kuomah, “Ka hung nâwk chena um zing dingin dit lang lem chu, chu chu ienga i hmang ding am a na? Nangin mi zui el rawh,” a ta.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

1 THESSALONIKA 3:3

hieng rinum tuorna lei hin tûkhawm an inhnîng nawna dingin; hienghai hi tuor dinga ruot kan nih ti nangni ngeiin in hriet si a.

2 TIMOTHE 3:12

Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.

1 PETER 2:21

Krista khawm khan a tuorpêk cheu leiin hieng ang hi thaw dinga ko in nih in sawnnaw; a kehnunga in zuina dingin enkhi ding a mâksan pêk cheu kha.