MATTHAI 16:23 - Pathien Lekhabu Inthieng (BSI)

²³ Ama ruok chu a ngha a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo lovin mihriem thil i ngaituo lem a ni hi,” a ta.

MATTHAI 16:23 ပူးပေါင်းရင်းမြစ်များ

INṬANNA 3:17

Chun, Adam kuoma chun, “I nuhmei thu i zâwm a, thing pakhat, ‘A ra i fâk ding a ni nawh,’ tia thu ka pêk che kha a ra i fâk leiin hnuoi hi nanga leiin ṭawngsephurin a um tah a nih; i dam sûngin inrimtaka sinthawin a ra chu fa tâng i tih;

2 SAMUEL 19:22

Chun, David chun, “Nangni Zeruia naupasalhai, nangni hin in mi lo hriet pêk ding ieng am a um a? Vawisûn hin a mi dotuhai in ni naw am a nih? Vawisûn hin Israel mihai laia mi hrim hrim sukhlum ding am a nih? Vawisûn hi Israel mihai chunga lal ka ni hi ka hriet naw am a nih?” a ta.

1 CHANCHIN SUINA 21:1

Setan chu Israel mihai chunga chun a hung tho a, David chu Israel mihai chu ân tiemtir ta a.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

MATTHAI 16:22

Chun, Peter chun ama chu a tumin a ṭhuoi a, “Lalpa, Pathienin lunginsiet raw se che!; chuong chu i chungah tlung naw tawp a tih,” tiin a kâwk ta a.

MATTHAI 18:7

“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

MARKA 8:33

Ama ruok chu a ngha kîr a, a închûktirhai chu a en a, “Setan, ka hnungah fe rawh. Pathien thilhai ngaituo lovin, mihriem thilhai i ngaituo a ni hi,” tîn Peter chu a kâwk ta a.

LUKA 4:8

Chun, Isûn a kuomah, “ ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta, a dawn a.

JOHAN 6:70

Chun, Isûn an kuomah, “Nangni sâwm le pahnihai hi keia thlang in ni naw am a nih? Nangni laia pakhat diebol a ni nâwk nghâl si,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:13

Chuleiin, insawisêl tâwl ta nâwm ei niu khai; tûkhawmin mâni unau kalna amanih tlûkna amanih siem naw tum lem seng ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:21

I unau tlûkna ding a ni chun, sa fâk lo dâm, uoin dâwn lo dâm, thil iengkhawm thaw lo a ṭha lem a nih.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

KOLOSSA 3:2

chung tienga thil umhaia chun in lungril innghat tlat ro, hnuoia thil umhaia chun innghat lovin.