MATTHAI 16:18 - Pathien Lekhabu Inthieng (BSI)

¹⁸ Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

MATTHAI 16:18 ပူးပေါင်းရင်းမြစ်များ

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

2 SAMUEL 18:4

Chun, lal chun an kuomah, “Ṭha in ti ang pei chun thâwng ka tih,” a ta. Chuongchun, lal chu kul kawtkhâr bula chun a ngîr a; chun, mipui po po chu za têl têl le sâng têl têl chun an suok ta zut zut el a.

JOB LEKHABU (THE BOOK OF JOB) 38:17

Thina kawtkhârhai chu i kuomah suklang a ni ta hlak am? Annawleh, thina hlim kawtkhârhai chu i hmu hlak am?

INPÂKNA HLABU 107:18

An hringna chun fâk ding tinrêng hi a tirdak hlak a, Thina kul kawtkhârhai chu an hnai hlak a.

INPÂKNA HLABU 127:5

A thal bâwm naua sip nei mi chu lâwmtakin a um hlak a nih: Kul kawtkhâra an dohai an biek lai khawmin, Muolpho naw ni hai.

INPÂKNA HLABU 129:2

“Ka naupang chîntea inthawk mihaiin vawi tamtak an mi suklungzîng a, Nisienlakhawm, an mi hne si nawh.

INPÂKNA HLABU 69:12

Kul kawtkhâra ṭhunghai chun ka chungchâng thu an hril a, Zu inrui hmanghai hla ka ni hi.

INPÂKNA HLABU 9:13

Aw Lalpa, mi lunginsiet la, A mi theidatuhai leia ka lunginzîngna hi en ta, Nang thina kawtkhâra inthawka mi sansuok hlaktu;

THUVARHAI 24:7

Invêt ta ding chun varna chu ân sâng taluo a, Dâikawtkhâra chun a bau chu a ka naw a nih.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 28:6

rorêl dinga ṭhung ta dinga rorêlna thlarau dâm, kul kawtkhâr bula hung thawtuhai dangkîrtuhai ta dinga hrâtna nîng a tih.

ISAI 38:10

“Ka dam sûng nihai inding lai tak hin thlân kawtkhârahai chun ka lût ding a na, Ka dam sûng kum la bâk dinghai chu lâkpêkin ka um tah, ” ka ti a.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

JONA 2:6

Tlâng bul tâwp rêthaia chun ka zu fe a, Hnuoi chun kumkhawa dingin a kalnahai chun a mi khâr khum a; Amiruokchu, nangin aw Lalpa ka Pathien, khursûnga inthawk chun ka hringna chu i lâk suok a nih.

MATTHAI 10:2

Tirko sâwm le pahni hai hming chu hieng hi an nih: A hmasataka chun Simon (Peter an ti) le a unau Andri hai, Zebedai naupa Jakob le a unaupa Johan hai;

MATTHAI 11:23

Chun, nang Kapernaum, vân chena chawimawi i ni ding am a nih? Mithi khuo chenin i zu fe ding i sawnnaw. Nangmaa thilmak thawa umhai kha Sodoma thaw ni sienla, tu chen hin la um zing a tih.

MATTHAI 18:17

Chun, anni khawm chu a ngai nuom naw chun, kohranah intlun el rawh; chun, kohran thu khawm a ngai naw chun ama chu i ta dingin Jentail le siedâwltu ang ni raw se.

MATTHAI 4:18

Chun, Galili dil panga a lêng malamin, unau pahni, Simon (Peter an ti chu) a unau Andri leh dila chun lên dêngin a hmu a; nga mantu an ni hrim a.

MATTHAI 7:24

“Chuongchun, mi tin hieng ka thu hrea zâwm taphawt chu, mi var lungpui chunga in bâwltu leh hrilkhi ding a nih.

JOHAN 1:42

Chuongchun, Isu kuomah a hung ṭhuoi a, Isûn ama chu a lo en a, “Johan naupa Simon i nih, Kipha tîng an ti che,” a ta, (chu chu Peter tina a nih.)

THILTHAWHAI 2:47

Pathien an inpâk a, mi po po lâwmzâwngin an um hlak a. Chun, sandama hung um pei taphawthai chu, Lalpain ni tin an kuomah ân ṭhangsatir pei hlak a.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

THILTHAWHAI 8:1

Chu ni chun, kohran Jerusalema umhai chu mîn nasatakin an suknawmna ṭan ta a; chuongchun, tirkohai bak naw chu Judai le Samari ram khaw tinah an indar ta vawng a.

1 KORINTH 15:55

“Aw thina, i hnena chu khâwlai am a um ta a? Aw thina, i tûr chu khâwlai am a um ta a?” ti thuziek hi hung tlung tâng a tih.

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut changtieng an mi pêk ta lem hman a.

EPHESI 3:10

Chuongchun, tulaia vân hmunhaia khin inlalna le thuneinahai kuoma chun, Pathien varna tinrêng kohranhai leiin inhriettirin um thei a tih;

EPHESI 5:32

Chu thurûk chu a ropui a nih; nisienlakhawm, kei chun Krista le kohran thu ka hrilna a nih.

KOLOSSA 1:18

Ama chu a taksa Kohran lu a na, iengkima a chunghnung tak a hung ni theina dingin, a bulpui, mithi laia inthawka tho hmasatak chu a nih.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 3:5

(miin mâni insûng khawsak hman a rêl fel thiem naw chun, Pathien kohran iengtin am enkawl a ta?)

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 21:14

Chun, chu khaw kul chun lungphûm sâwm le pahni a nei a, chuonga chun Berâmte tirko sâwm le pahnihai hming a chuong a.