MATTHAI 15:9 - Pathien Lekhabu Inthieng (BSI)

⁹ Iengkhawm ni sienla, an inchûktirnaah mihriem thupêk an inchûktir leiin, An mi biek hlak hi a thlâwn el a nih,’ tiin,” a ta, a dawn a.

MATTHAI 15:9 ပူးပေါင်းရင်းမြစ်များ

INPÂKNA HLABU 39:6

Mi tin hi hlim angin an lêng takmeu a, An buoi thlâwn takmeu a nih. Ro ân khâwl khâwm hlak a, a hluotu ding a hriet si naw a.

INPÂKNA HLABU 73:13

A thlâwn elin a nih, ka lungril hi ka sukfai a, Ka kuthai demkailonaa ka sâwp chu.

FESUOKNA 20:7

Lalpa i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu Lalpa chun suol lovah a ngai naw ding a ni si a.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw ni a, rama thinghai khawm chun ra an insuo naw ding a ni si a.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

MATTHAI 15:10

Chun, mipui chu a ko a, an kuomah, “Ngai unla, a ngai lo thiem ro;

MARKA 7:7

An inchûktirnaa mihriem thupêkhai an inchûktir leiin, An mi biek khawm hi a thlâwn el a nih,’ ti ziek ang khan.

1 KORINTH 15:2

ka thu hril cheu kha in awi mei mei a ni naw a, in pawm tlat a ni chun, chutaka bawk chun sandam mêkin in um a nih.

DÂN PAHNINA 12:32

“Thaw dinga thu ka pêk taphawt cheu chu in thaw ding a na, in belsa ding a ni naw a, in suktlâwm ding a ni bawk nawh.

1 TIMOTHE 1:4

tienami mei mei le sui sêng lo thlatuhai thu (ringnaa Pathien khawsakzie um hi sukṭhat nêka insêlna siem lem hlaktu chu) ngaisak lo dinga kâwk dingin tu khawm hin ka la ngên rawp che a nih.

TITA 1:14

Judahai tienami thu le, thutak nghatsantuhai thupêkhai chu an ngaisak nawna dingin.

HEBRAIHAI 13:9

Inchûktirna tinrêng le inchûktirna maktak lên hmangin um naw ro; lungril hi lunginsietnaa sukdet chu a ṭha si a, fâk dinghaia sukdeta um lovin, chuong ang kawng lungkhamhai chun chuonga chun ṭhathnemna an hmu chuong nawh.

JAKOB 2:20

Aw, mi teplopa, thilthaw ṭhang lova ringna ngawt chu iengkhawm a ni nawh ti i hriet nuom am?

THUPUONGSUO 22:18

Hi lekhabu hrillâwkna thu hre taphawt chu kân hriettir; tûkhawmin hieng thu hi a belsa chun, a lekhabua hremna ziekhai hi, Pathienin a chungah belsa vêng a tih;

1 SAMUEL 25:21

David chun, “A iengkhawm, ân hmang nawna dingin hi mipa nei hi thlalêrah a thlâwn ela vêngpêk ka lo ni hi tie; thil ṭha chu thil ṭha nawin a mi thung el ta si a.