MATTHAI 15:32 - Pathien Lekhabu Inthieng (BSI)

³² Chun, Isûn a inchûktirhai chu a ko a, “Mipuihai hi tuhin ka kuomah ni thum an um ta a, fâk ding iengkhawm an nei naw leiin ka lungsiet bêk bêk a nih; bu ngheiin kân fetir nuom nawh ie, chuong naw chun lam kârah châu rawi an tih,” a ta.

MATTHAI 15:32 ပူးပေါင်းရင်းမြစ်များ

2 LALHAI 4:42

Chun, Baal-salisaa inthawkin mi pakhat a hung a, Pathien mi chu ra hmasa bei, buṭei bei sâwmhni le bu thar vui a ipin a hung chawipêk a. Elisa chun, “An fâk dingin mipuihai kha pe rawh,” a ti a.

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

MATTHAI 14:13

Chun, Isûn chu chu a hrietin, chutaka inthawkin thlalêr hmun tieng lawngin a tumin a fe ta a. Nisienlakhawm, mipuihai chun an hriet phingleh khuoa inthawk dâm chun kea fein an zui ta a.

MATTHAI 15:33

Chun, inchûktirhai chun a kuomah, “Mipui hieng zât zât khawpna khawp beiphêk chuong zât lâwm lâwm thlalêrah khâwlai am hmûng kan ta?” an ta.

MATTHAI 20:34

Chuongchun, Isûn a lunginsiet bêk bêk a, an mit a them a; chuongchun, an hmu thei nghâl ta a, ama chu an zui ta a.

MATTHAI 27:63

“Pu, chu hlêmtu chun, a dam lai khan ‘Ni thum chenah thonâwk ka tih,’ a ti kan hriet zing a.

MATTHAI 9:36

Chuongchun, mipuihai chu a hmuin, vêngtu nei naw berâmhai anga rinum le indara an um leiin, a lunginsiet ta bêk bêk el a.

MARKA 9:22

hieng hin ama sukbohmang dingin vawi tamtak meia dâm, tuia dâm a nam thlûk ta a; nisienlakhawm, nangin iengtin amanih bêk i thaw thei chun mi lunginsiet la, mi ṭhangpui rawh,” a ta.

LUKA 7:13

Chun, Lalpa chun hmeithai chu a hmu phingleh a lunginsiet bêk bêk a, “Ṭap naw,” a ta.

THILTHAWHAI 27:33

Chun, khawvar tâwm chun Paulain mi po po chu bu fa dingin a tir a, “Vawisûn hi ni sâwmpali a ni tah, iengkhawm fa lovin in nghâk a, in nghei zing a nih.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.