MATTHAI 15:31 - Pathien Lekhabu Inthieng (BSI)

³¹ Chuongchun, mipui chun, ṭawngtheinawhai chu hung ṭawng a, piengsuolhai chu hung ṭha a, kebaihai chu kea lâwn a, mitdelhai chu hmu theia an hmuin, mak an ti hle a; chuongchun, Israelhai Pathien chu an inpâk ta a.

MATTHAI 15:31 ပူးပေါင်းရင်းမြစ်များ

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i buon a, i hne ta si a,” a ti a.

INṬANNA 33:20

Chutaka chun maichâm a siem a, a hmingah El-elohe-Israel ân bûk a.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 50:23

Tukhawm lâwmthu hril inthawina inhlân taphawt chun a mi chawimawi hlak, Chun, a um dân takinningtaka vawngtu kuoma chun, Pathien sandamna inentir ka tih,” a ti a.

FESUOKNA 24:10

chun, Israel Pathien chu an hmu a, a kehai hnuoia chun sapphir lung rem ang tletak, a tlêtzie chu vân thil ni âwm tak hrim hi a um a.

MATTHAI 15:30

Chun, mipui nasatak, kebaihai, mitdelhai, ṭawngtheinawhai, piengsuolhai hung ṭhuoiin a kuomah an hung a, a ke bulah an sie a; chun, a lo sukdam tâwl a.

MATTHAI 18:8

Chun, i kutin amanih, i kein amanih a sukthlûk che chun, tan la, pei dai rawh; kut pahni amanih, ke pahni amanih neia kumkhaw meia peia um nêk chun, piengsuolin amanih, ke baiin amanih hringnaa lût i ta dingin a ṭha lem.

MATTHAI 21:14

Chun, Pathien biekina chun mitdelhai le kebaihai a kuomah an hung a, anni a sukdam a.

MATTHAI 8:10

Isûn chuong thu chu a hrietin mak a ti hle a, ama zuituhai kuoma chun, “Titakzetin ka hril cheu, Israelhai lai khawm hieng ang lâwma ringna nasa hi ka hmu nawh.

MATTHAI 9:32

Chun, an suok lai takin, ngai ta, khawhri iman ṭawng thei naw pakhat a kuomah an hung ṭhuoi a.

MATTHAI 9:33

Chun, khawhri chu a hnawt dawk phingleh ṭawng thei naw chu a hung ṭawng ta a. Mipuihai chun mak an ti hle a, “Israelhai lai khawm hieng ang hi hmu a ni ngai nawh,” an ta.

MATTHAI 9:8

Chun, mipuihai chun chu chu an hmuin an ṭi a, mihriemhai kuoma chuong ang thuneina petu Pathien chu an inpâk a.

MARKA 2:12

Chuongchun, ama chu a tho a, a puonpha chu a lâk a, an rênga mithmu ngei chun a suok ta a; chuongchun, an rêngin mak an ti hle a, “Hieng ang hrim hrim hi ei la hmu ngai nawh,” tîn Pathien an inpâk ta a.

MARKA 7:37

“Ama chun iengkim ṭhatakin a thaw a; nasêt dâm a sukvarpêk a, ṭawng thei naw dâm khawm ân ṭawngtir hlak,” an ta, mak an ti nasa bêk bêk a.

MARKA 9:43

Chun, i kutin a sukthlûk che chun, tan el rawh; kut pahni neia Hremhmun mei rêm thei nawa fe nêkin, kut bûla hringnaa i lût chu i ta dingin a ṭha lem.

LUKA 14:13

Ruoi i ṭhe pha chun, pasiehai, piengsuolhai, keinbaihai, mitdelhai fiel lem rawh;

LUKA 14:21

Chun, suok chun a pu kuomah chuong thu chu a va hril a. Chun, in neitu chu a lunginsen a, a suok kuoma chun, ‘Suok la, kawtthlêrahai, kâwmkârahai, fe zeu zuou la, pasiehai, piengsuolhai, mitdelhai, keinbaihai, hitaka hin hung ṭhuoi lût rawh,’ a ta.

LUKA 18:43

Chun, kârlovin a hmu thei nghâl ta a, Pathien inpâk pum peiin ama chu a zui ta a; chun, mi po po chun, chu chu an hmu chun Pathien an inpâk a.

LUKA 7:16

Chun, mi po poin an ṭi a, Pathien an inpâk a, “Eini lai zâwlnei ropuitak a hung um ta a ni hi,” an ta. “Pathienin a mihai a hung sîr tah a nih,” an ti bawk a.

JOHAN 9:24

Chuongchun, mitdel chu an ko nâwk a, a kuomah, “Pathien inpâk rawh, ama kha chu mi suol a nih ti kan hriet,” an ta.