MATTHAI 15:24 - Pathien Lekhabu Inthieng (BSI)

²⁴ Ama ruok chun, “Israel hnam laia berâm inhmang kuoma naw chu tir ka ni nawh,” a ta, a dawn a.

MATTHAI 15:24 ပူးပေါင်းရင်းမြစ်များ

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

MATTHAI 15:23

Ama ruok chun bau khat khawmin a dawn nawh. Chun, a inchûktirhai chun, “Ei hnungah a khêk a khêk si a, infetir el ta la,” tiin an hung ngên a.

MATTHAI 18:11

[Bohmanghai sandam dingin Mihriem Naupa hi a hung a nih.]

MATTHAI 9:36

Chuongchun, mipuihai chu a hmuin, vêngtu nei naw berâmhai anga rinum le indara an um leiin, a lunginsiet ta bêk bêk el a.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk lova in inruot ta hnung chu, hre ro, Jentailhai kuom tieng ngha vê tâng kan tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:8

Hi hi ka ihril chu a nih: thlatuhai kuoma thutiemhai chu sukdet ding le Pathien thu ân dik ti inhriettirna dingin Krista chu sertanhai rawngbâwltuin a hung um a;