MATTHAI 15:23 - Pathien Lekhabu Inthieng (BSI)

²³ Ama ruok chun bau khat khawmin a dawn nawh. Chun, a inchûktirhai chun, “Ei hnungah a khêk a khêk si a, infetir el ta la,” tiin an hung ngên a.

MATTHAI 15:23 ပူးပေါင်းရင်းမြစ်များ

INṬANNA 42:7

Josef chun a uhai chu a lo hmu a, anni chu a lo hriet tâwl hle a; nisienlakhawm, mi dang anga hriet naw tehlêm thawin inrawmtakin anni a biek a, “Khawlaia inthawka hung am in ni a?” a ti a. Anni chun, “Bu inchaw dinga Kanaan rama inthawka hung kan nih,” an ti a.

INPÂKNA HLABU 28:1

Aw Lalpa, ka ko ding che a ni hi, Ka lungpui, keimaa inthawk hin i na chu suksêt naw la; Chuong naw chun, nangin i mi tosan chun, Khur sûnga zu fehai ang elin hung um rawi ka tih.

ṬAP HLA 3:8

Anih, ka khêk a, ṭhangpuina ka ngên pha leh, ka hnina chu a lo dangkîr a.

MATTHAI 14:15

Chun, zântieng a hung ni chun, inchûktirhai chu a kuomah an hung a, “Ahi thlalêr hmun a na, an ta dinga fâk ding an inchâwk theina dingin mipuihai hi infetir ta la,” an ta.

MATTHAI 15:22

Chun, ngai ta, chuong rama inthawk chun Kanaan nuhmei pakhat a hung suok a, “Lalpa, David naupa, mi lunginsiet rawh, ka naunu khawhriin a man tlat a nih,” tiin a khêk a.

MATTHAI 15:24

Ama ruok chun, “Israel hnam laia berâm inhmang kuoma naw chu tir ka ni nawh,” a ta, a dawn a.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.