MATTHAI 15:14 - Pathien Lekhabu Inthieng (BSI)

¹⁴ Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 15:14 ပူးပေါင်းရင်းမြစ်များ

ISAI 31:3

Aigupta mihai chu Pathien an ni naw a; mihriem el an na; an sakawrhai chu thlarau an ni naw a, tisa el an na; chuongchun, Lalpain a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

ISAI 42:19

Ka siehlaw naw chu tu mit am ân del a? Annawleh, ka tirko tir angin tu na am a sêt a? A mi remtu angin tu mit am ân del a? Lalpa siehlaw angin tu mit am ân del a?

ISAI 56:10

A râl vêngtuhai chu an mit ân del a, hrietna nei naw ruok an na; ui râwl nei lo ruok an na, an inngak thei nawh; mang nei a, zâl zing a, imu hêmi an nih.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, Lalpa chun a tih.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

HOSEA 4:17

Ephraim chun milim ân zawmpui ta a; A um umin um raw se.

MALAKI 2:8

Amiruokchu, nangni chu lampuia inthawk chun in pêt hmang a, mi tamtak chu dâna chun in insuithlûktir a; Levi kuoma thuthlung chu in suksiet tah a nih, sipaihai Lalpa chun a tih.

LUKA 6:39

Chun, an kuomah tekhithu a hril a, “Mitdelin mitdel ma a ṭhuoi thei ding am a nih? an pahni chun khurah an tla rêl el naw ding am a nih?

JOHAN 9:39

Chun, Isûn, “Rorêl dinga hi khawvêla hin hung ka nih, mitdelhai chu an mit a hung varna ding le, mitvarhai chu an mit a hung indelna dingin,” a ta.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârlova bohmangna intlungtir an tih.

2 PETER 2:17

Chuong chu tuikhur tui um naw le, sûm thlipui imût lêng chu an nih, chuonghai ta ding chun inthim sa khup chu khêk a ni tah.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.