MATTHAI 15:1 - Pathien Lekhabu Inthieng (BSI)

¹ Chu lai tak chun, Jerusalema inthawkin Pharisaihai le Dân inchûktirtuhai Isu kuomah an hung a,

MATTHAI 15:1 ပူးပေါင်းရင်းမြစ်များ

MATTHAI 23:2

“Dân inchûktirtuhai le Pharisaihai chu Mosie ṭhungphaah an ṭhung hlak.

MATTHAI 5:20

In felnain Dân inchûktirtuhai le Pharisaihai felna a khûm naw chun vân ramah lût naw tawp in tih ti ka hril cheu a ni hi.

MARKA 3:22

Chun, Dân Inchûktirtuhai Jerusalema inthawka hung thlahai chun, “Beelzebub a zâwl a ni hi,” an ti a. “Khawhri lal lei annâwm khawhrihai a hnawt dawk hlak hi,” an ti bawk a.

LUKA 5:17

Chun, chuong lai chun, ni khat chu ân chûktir a. Chun, a kâwlah Pharisaihai le dân hretuhai ṭhungin an um a, chuonghai chu Galili ram le, Judai ram khaw tina inthawk le Jerusalema inthawka hung suok an na; chun mi sukdamna dingin Lalpa thilthawtheina chu a kuomah a um a.

LUKA 5:21

Chun, Dân inchûktirtuhai le Pharisaihai chun, “Pathien hrilsie hi tu am a ni leh? Pathien chau naw chun tuin am suolhai a ngaidam thei a?” tiin an ngaituo a.

LUKA 5:30

Chun, Pharisaihai, an Dân inchûktirtuhai le chun a închûktirhai chungah an chier a, “Ieng dinga siedâwltuhai le mi suolhai lai in fâk a in dâwn am a na?” an ti a.

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

THILTHAWHAI 23:9

Chuongchun, nasatakin an buoi ta a; Pharisai tienga mi Dân inchûktirtu ṭhenkhat an ngîr a, an sêl a, “Hi mipa hi a suolna iengkhawm kan hriet nawh ie; thlarau khawmin, vântirko khawmin ama hi be sienla ieng am pawi a ta?” an ta.

THILTHAWHAI 25:7

Chun, ama chu a hung tlung chun, Jerusalema inthawka Juda hung thlahai chu a vêla chun an ngir a, a chungah thupawi tamtak, rik tak tak an hril an hril a, a bul ruok chu an sui suok thei si naw a.