MATTHAI 14:27 - Pathien Lekhabu Inthieng (BSI)

²⁷ Nisienlakhawm, Isûn anni chu a biek nghâl ta a, “Lungmuongtakin um ro, kei ka ni annâwm, ṭi naw ro,” a ta.

MATTHAI 14:27 ပူးပေါင်းရင်းမြစ်များ

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

ISAI 41:4

A tira inthawkin suon po po koin, tuin am thaw a, thaw zo? Kei Lalpa, a hmasa tak le a nuhnung tak kuoma um hi, a thawtu chu ka nih.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

MATTHAI 14:28

Chun, Peterin a dawn a, “Lalpa, nang i ni chun, tui chunga i kuoma hung thu mi pe rawh,” a ta.

MATTHAI 17:7

Chun, Isûn anni chu a hung them a, “Tho unla, ṭi naw ro,” a ta.

MATTHAI 28:10

Chun, Isûn an kuomah “Ṭi naw ro, fe unla, Galili rama fe dingin ka unauhai va hril ro; chutaka chun mi hmûng an tih,” a ta.

MATTHAI 28:5

Chun, vântirko chun nuhmeihai chu a biek a, an kuomah, “Nangni chu ṭi naw ro! Isu an hemde kha in zawng ti ka hriet!

MATTHAI 9:2

Chun, ngai ta, zeng pakhat khuma zâl pumin a kuomah an hung zâwn a. Isûn an ringzie a hmuin, zeng kuoma chun, “Ka nau, lungmuongtakin um rawh; i suolhai ngaidam a ni tah,” a ta.

MARKA 6:50

Nisienlakhawm, ama chun anni chu a biek nghâl ta a, an kuomah, “Lungmuongtakin um ro, keima ka nih annâwm, ṭi naw ro,” a ti ta a.

LUKA 1:13

Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

LUKA 1:30

Chun, vântirko chun a kuomah, “Mari, ṭi naw, Pathien ngaisak zâwng i nih.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

LUKA 2:10

Chun, vântirko chun an kuomah, “Ṭi naw unla, ngai ro, mi tin ta ding chanchin ṭha lâwmum bêk bêk ka hung intlun cheu a nih.

LUKA 5:10

Simon ruolhai bawk, Zebedai naupa Jakob le Johan khawmin mak an ti hle bawk a. Chun, Isûn Simon kuomah, “Ṭi naw, tuta hnung chu mihriem man tâng i tih,” a ta.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

JOHAN 6:20

Nisienlakhawm, ama chun an kuomah, “Kei ka nih annâwm, ṭi naw ro,” a ta.

THILTHAWHAI 23:11

Chun, zâna chun Lalpa chu Paula kâwlah a ngîr a, “Thlamuongtakin um rawh, Jerusalema ka thu în hriettir ang bawkin Roma khawm în hriettir ding a nih,” a ta.