MATTHAI 14:20 - Pathien Lekhabu Inthieng (BSI)

²⁰ Chun, an rêngin an fâk a, an khawp tâwl ta a; an fâk mahla nawi khawm chu bâwmrâng sâwm le pahni an rût sip a.

MATTHAI 14:20 ပူးပေါင်းရင်းမြစ်များ

FESUOKNA 16:12

“Israel mihai chiernahai chu ka hriet a, an kuomah, ‘Zântieng chun sa fâng in ta, zîngtieng chun beia sukkhawp nîng in tih, chun Lalpa in Pathien chu ka nih ti hrieng in tih ‘ ti rawh,” tiin.

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

THUVARHAI 13:25

Mi fel chun a lungrila a dittâwkin a fâk hlak a, Mi khawhlo phîng ruok chu tlasam a tih.

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei naw a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlawtu khawm chu ip mawng inâwnga thlâk el dingin a hlaw a nih,” tiin.

MATTHAI 14:21

A fatuhai chu nuhmei le naupang tiem lovin patling ruok khawm sâng nga rau an nih.

MATTHAI 15:33

Chun, inchûktirhai chun a kuomah, “Mipui hieng zât zât khawpna khawp beiphêk chuong zât lâwm lâwm thlalêrah khâwlai am hmûng kan ta?” an ta.

MATTHAI 5:6

“Felnaa phîngṭâma dangchârhai chu an hamṭha; an la tlai ding a ni si a.

LUKA 1:53

Phîng ṭamhai chu thil ṭhatakin a sukkhawp ta a, Hausahai chu kutruokin ân fe hmangtir ta a.

LUKA 9:17

Chun, an fâk a, an khawp ta vawng a; an fâk mahla nawi chu bâwm sâwm le pahni an rût sip a.

JOHAN 6:7

Philip chun a kuomah, “Mi tinin tlâwmtêa an chang seng ding khawm bei duli za hni manin dai naw ni,” a ta, a dawn a.