MATTHAI 13:8 - Pathien Lekhabu Inthieng (BSI)

⁸ A ṭhen hnuoi ṭhaah a tla a, ṭhenkhat a lêt za dâm, ṭhenkhat a lêt sâwmruk dâm, ṭhenkhat a lêt sâwmthum dâmin a hung ra ta a.

MATTHAI 13:8 ပူးပေါင်းရင်းမြစ်များ

INṬANNA 26:12

Chun, Isak chun chu rama chun bu a chîng a, chu kum chun a let za a hmu a. Lalpain ama chu mal a sâwm a,

MATTHAI 13:23

Chun, leihnuoi ṭha chunga the chu, thu chu naa hre a, a ngaina hre bawk hi a nih. Chu chu a ra ngei a, ṭhenkhat a lêt za dâm, ṭhenkhat a lêt sâwmruk dâmin, ṭhenkhat a lêt sâwmthum dâmin a pung hlak,” a ta.

MATTHAI 13:7

Chun, a ṭhen hlohlingnei lai a tla a, hlo chu a hung mâwng sâng a, a dîp hmang ta a.

MARKA 4:20

Chun, hnuoi ṭhaa thehai chu hieng hi an nih: thu chu hrea, pawm a, a lêt sâwmthum dâm, a lêt sâwmruk dâm, a lêt za dâma rahai hi,” a ta.

MARKA 4:8

Chun, a ṭhen hnuoiṭhaah a tla a, a mâwng a, ân ṭhang lien a, a ra ta a; sâwmthum dâm, sâwmruk dâm, za dâmin a pung tâwl ta a,” a ta.

LUKA 8:15

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

LUKA 8:8

Chun, a ṭhen hnuoi ṭhaa a tla a, a hung mâwng a, a lêt zain a ra ta a,” a ta. Chun, chuong thu chu a hril laiin a khêk a, “Tûkhawm hrietna dinga na nei chun hre raw se,” a ta.

JOHAN 15:8

Hi hi leiin ka Pa chu chawimawiin a um hlak, tamtaka in ra hin; chuongchun, ka închûktirhai nîng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:18

Keimaa hin, chu chu ka tisaa hin tina a nih, thil ṭha hrim a um nawh ti ka hriet, thil ṭha thaw nuomna chu keimaah a umdea chu, thil ṭha thawna chu a um si naw a.

PHILIPPI 1:11

Pathien ropuina le inpâkna ding Isu Krista zâra felna ra chun hung sip thei in tih.