MATTHAI 13:57 - Pathien Lekhabu Inthieng (BSI)

⁵⁷ Chuongchun, a chungah an lungni ta naw a. Nisienlakhawm, Isûn an kuomah, “Zâwlnei chu ama khuo tieng le ama ina chau naw chu inpâk lovin a um ngai nawh,” a ta.

MATTHAI 13:57 ပူးပေါင်းရင်းမြစ်များ

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

MATTHAI 11:6

Chun, tukhawm ka chunga lungninawna hmu naw chu, a hamṭha,” tiin a lo dawn a.

MATTHAI 13:58

Chun, an ring naw leiin chutaka chun thilmak tam a thaw ta naw a.

MARKA 6:1

Chutaka inthaw chun a suok a, a umna khuo tieng chu a tlung nâwk ta a; inchûktirhai chun an zui pei a.

MARKA 6:14

Chun, lal Herod chun a lo hriet a, a hming chu a lo inthang ta si a, “Baptistu Johan kha mithi laia inthawkin a hung tho nâwk ta a; chuleiin, chuong thilthawtheinahai chun amaa chun sin a thaw a ni chu,” a ta.

MARKA 6:3

Hi mipa hi Mari naupa, Jakob hai, Jose hai, Juda hai, Simon hairawi unaupa, thingrem siemtu kha a ni naw am a nih? A farnuhai khawm hitaka ei kuoma um an ni nâwm a nih?” an ta, mak an ti hle a. Chuongchun, a chungah an lungni ta naw a.

MARKA 6:4

Chun, Isûn an kuomah, “Zâwlnei chu ama khuo tienga dâm, ama laibunghai lai dâm, ama ina hai dâm chau naw chun inpâk lovin a um ngai nawh,” a ta.

LUKA 4:24

Chun, ama bawkin, “Titakzetin ka hril cheu hi, zâwlnei tukhawm mâni khuo tieng mîn an lâwm ngai nawh.

LUKA 7:23

Chun, tûkhawm ka chunga lungninawna hmu naw chu an hamṭha,” a ta, a dawn a.

JOHAN 4:44

Isu ngeiin, zâwlnei chu ama khuo tieng chun chawimawiin a um ngai nawh ti ân hriettir hlak si a.

JOHAN 6:42

“Hi mipa hi Josef nau Isu a ni naw am a nih? A nu le Pa khawm ei hriet hi. ‘Vâna inthawka hung ṭum ka nih,’ iengti tia ti am a ni leh?” an ta.

JOHAN 6:61

Chuongchun, chu thua chun a închûktirhai an chier ti Isûn a lungrilin a hriet a, an kuomah, “Hi thu hin a suklungninaw cheu am a nih?