MATTHAI 13:44 - Pathien Lekhabu Inthieng (BSI)

⁴⁴ “Vân ram chu loa ro phûmrûk ang a nih; chu chu miin a hmu a, a thup hmang a, a lâwm leiin a fe a, a nei po po chu a va zawr a, chu lo chu ân châwk ta a.

MATTHAI 13:44 ပူးပေါင်းရင်းမြစ်များ

JOB LEKHABU (THE BOOK OF JOB) 28:13

Mihriem chun chu man chu an hriet naw a, Mi hring rama khawm chu chu hmu suok a ni bawk nawh.

THUVARHAI 16:16

Varna nei hi rângkachak nêka ieng ang khieua ṭha lem am a na! Anih, hrietthiemna nei hi tangka nêka thlang lem ding a nih.

THUVARHAI 17:16

Hrietthiemna a nei naw chun, Varna inchâwkna man ding invêt kuta chun ieng dingin am um a ta?

THUVARHAI 18:1

Mi mâni insuktum chun, mâni nuom zâwng ngei chu a zawng a, Varna indik po po a sêlkal hlak.

THUVARHAI 23:23

Thutak chu inchaw la, zawr ta naw rawh, Anih, varna dâm, inchûktirna dâm le hrietthiemna dâm khawm chu.

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe lovin, a man khawm pe lovin inchaw ro.

MATTHAI 13:24

Tekhithu dang an kuomah a hril nâwk a, “Vân ram chu, mi a loa chi ṭha thetu le chun hrilkhi a nih;

MATTHAI 13:46

chun, ama chun lunghlu hlutak pakhat a hmu a, a fe ta a, a nei po po chu a va zawr a, ân châwk ta a.

MATTHAI 13:47

“Chun, vân ram chu lênkhang tuisuorieta dênga, chi tinrêng fûn khâwmna ang chu a ni nâwk bawk a.

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

MATTHAI 19:27

Chun, Peterin a kuomah, “Ngai ta, keinin iengkim mâksanin kan zui ta che a; ieng am hmûng kan ta le?” a ta, ân dawn a.

MATTHAI 19:29

Chun, mi tukhawm inhai amanih, unauhai amanih, farnuhai amanih, pa amanih, nu amanih, nuhmei amanih, nauhai amanih, ramhai amanih, ka hming leia fesan taphawt chun, a let za hmûng an ta, kumkhuoa hringna chang bawk an tih.

MATTHAI 6:21

i ro umna taphawtah i lungril khawm a um ding a ni si a.

LUKA 14:33

Chuong ang bawkin, nangni lai hin tûkhawm a nei po po mâksan naw chu, ka închûktir ni thei naw nih.

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai taphawt chu eini inchûktirna dinga ziek an ni si a.

KOLOSSA 2:3

amaa chun varna le hrietna ro po po thupin a um si a.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

HEBRAIHAI 10:34

Kawlbunhai chu in lainat a, thil ṭha lem, um sawng bawk ding chu, mâniin in nei ti hrein, in thilneihai lâkpêka in umnaa khawm lâwmtakin in lo tuor ta a.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.