MATTHAI 13:38 - Pathien Lekhabu Inthieng (BSI)

³⁸ Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

MATTHAI 13:38 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INPÂKNA HLABU 22:30

Chi inthlain a rawng bâwl an ta, Ṭhangthar hung um nâwkhai kuoma chun Lalpa chanchin chu la hril an tih.

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

MATTHAI 13:19

Tukhawmin ram thu chu naa a lo hriet a, a ngaina a hriet si naw chun, mi suol chu a hung a, a lungrila the sa chu a lâkpêk hlak. Chu chu lampui sîra the chu a nih.

MATTHAI 24:14

“Chun, hi Ram Chanchin Ṭha hi hnam po poin an hrietna dingin khawvêl po poah hrilin um a tih; chu zoa chun tâwpna chu la tlung a tih.

MATTHAI 5:37

‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

MATTHAI 8:12

ram nauhai ruok chu tuol inthima chun hnawt dawkin um an ta; chutaka chun ṭap le harâwt chu um a tih,” a ta.

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

JOHAN 12:24

Titakzetin, titakzetin ka hril cheu hi, bu mal hnuoiah a tla a, a thi naw chun, a mal chauin a um zing hlak; a thi ruok chun tamtakin a ra hlak.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:18

Anleh, an nain an hriet naw am a nih? Hre e le! “An ri chu ram tinah ân thang a, An thu chu kâwlkawdawng chenin ân thang suok tah.”

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai lekhathuin hnam tin kuomah inhriettir a ni ta a, mi tinin an ringa an zâwm theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun rohluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

KOLOSSA 1:6

Chu Chanchin Ṭha chu, khawvêl pumpuiah malsâwmna hung intlunin a pung pei a; chuong ang takin in kuoma khawm a hung tlung a; titakzeta Pathien lunginsietna chu ngaia in hriet ni chena inthawk khan chu nangnia khawm rain a pung pei a ni kha.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

1 PETER 1:23

Chi se theia inthawkin ni lovin, Pathien thu hring zing le um zinga chun, chi se thei nawa inthawka pieng thar in ni si a.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

THUPUONGSUO 14:6

Chun, hnuoia umhai kuoma le, hnam tinrêng dâm, chi tinrêng dâm, ṭawng tinrêng dâm kuoma tlânginsampui dinga chatuon Chanchin Ṭha nei vântirko dang vânlaizâwla vuong ka hmu a;