MATTHAI 13:3 - Pathien Lekhabu Inthieng (BSI)

³ Chun, tekhithuin an kuomah thu tamtak a hril a, “Ngai ta u, bu chi thetu chu bu chi the dingin a fe a.

MATTHAI 13:3 ပူးပေါင်းရင်းမြစ်များ

INPÂKNA HLABU 49:4

Tekhithuah ka na sit ka ta, Ka thu ril hril chu ṭingṭangin hrilfieng ka tih.

INPÂKNA HLABU 78:2

Tekhithuin ka bau kâng ka ta, Tiena thu ril hril tahai kha hril suok ka tih.

EZEKIEL 17:2

“Mihriem naupa, thukhirkhân sie suok la, Israel sûngkuohai kuoma chun tekhithu hril rawh;

EZEKIEL 20:49

Chun, kei chun, “E, Lalpa Pathien! Ama hi tekhithu hriltu a nih an nâwm a nih? an mi ti el a nih,” ka ta.

MIKA 2:4

Chu nia chun nangni demin tekhithu hril an ta, ṭap hla lungriemithlâk umtaka inzâwtin, “Rawk vawngin ei um ta a nih, ka mihai chan a sukdanglam a, ka kuoma inthawkin a tâwl hmang tah a ni hi! Hel hmanghai kuomah ei lo a sem dar tah a ni hi,” tîng an tih.

HABAKKUK 2:6

Hieng po pohai hin ama chunga tekhina hung hrilin, ama chunga hrilinsîm thu hrilin, “Ama ta ni si lova insukpung chu ieng chen am nei a ta? Mâni le mâni inrûkthila insukpungtu chung chu a va rik de!” an ti naw dîm a nih?

MATTHAI 13:4

Chun, a the laiin a ṭhen lampui sîrah a tla a, vatehaiin an hung tlân zo ta a.

MATTHAI 13:53

Chun, Isûn chuong tekhithuhai chu a hril zo phingleh, chutaka inthawk chun a fe ta a.

MATTHAI 22:1

Chun, Isûn anni a biek a, an kuomah tekhithuin a hril nâwk a,

MATTHAI 24:32

“Chuongchun, theichang kûnga hin chu tekhithu chu inchûk ro. A kâu a hung indâwn a, a hna a hung inder chun, nipui a ni ding a nih ti in hriet.

MARKA 12:1

Chun, tekhithuin an kuomah a hril ta a, “Tuin amanih grêp huon a siem a, palin ân huon a, grêp sâwrna ding khur a cho a, in insâng a bâwl a, lo enkawltuhai kuomah thlo hlaw dingin a pêk a, ram dangah a fe ta a.

MARKA 12:12

Chun, ama chu man an tum ta a, nisienlakhawm, mipui an ṭi si a, chu tekhithu chu anni demin a hril a nih ti an hriet si a. Chuongchun, ama chu an mâksan a, an fe hmang ta a.

MARKA 3:23

Chun, Isu chun Dân inchûktirtuhai chu a ko a, tekhithuin an kuomah, “Setanin Setan bawk iengtin am hnawt dawk thei a ta?

MARKA 4:13

Chun, ama bawkin, an kuoma chun, “Hi tekhithu hi in hriet thei naw maw? Chuongchu a ni chun iengtin am tekhithu danghai po po chu hre hrim in ta?

MARKA 4:33

Chuong ang tekhithu tamtakin, an ihriet thei tâwk tâwkin, thu chu an kuomah a hril hlak.

LUKA 12:41

Chun, Peterin a kuomah, “Lalpa, hi tekhithu hi keini chau am a nih i mi hril, mi po po?” a ta.

LUKA 8:10

Ama chun, “Pathien ram thurûk chu nangni ihriet chu phal a na, mi dang kuoma ruok chu tekhithu chaua hril a nih; hmu hai sienla khawm, hmu naw an ni theina dingin, nain hrehai sienla khawm a ngaina an hriet thei nawna dingin.

JOHAN 16:25

“Chuong thu chu a thawiin in kuomah ka hril tah; a hun a tlung ding a nih, chu pha chun a thawiin in kuomah thu hril nâwk ta naw ning a, fietakin Pa chanchin hril lem ka ti cheu.