MATTHAI 13:20 - Pathien Lekhabu Inthieng (BSI)

²⁰ Chun, pielthlêng hmuna the chu, thu hre a, lâwmtaka pawm nghâl hlak hi a nih;

MATTHAI 13:20 ပူးပေါင်းရင်းမြစ်များ

2 CHANCHIN SUINA 24:14

Chun, an zo pha chun, tangka danghai chu lal le Jehoiada kuoma chun an hung chawi a; chuonghai chun Lalpa ina bûr le bêlhai, rawngbâwlna le inhlânna bûr le bêlhai, haihawhai, rângkachak le tangkaraw bûr le bêlhai chu siem a na. Chun, Jehoiada dam sûng po po chun ni tin hin Lalpa ina chun pumrawhmang thilinhlânhai chu an inhlân zing zing hlak a.

2 CHANCHIN SUINA 24:2

Thiempu Jehoiada dam sûng po poa chun Joas chun Pathien mithmuah thil indikhai chu a thaw a.

2 CHANCHIN SUINA 24:6

Chun, lal chun thiempu laltak Jehoiada chu a ko a, a kuomah, “Thuthlungna puon ina dingin, Israel mipuihai le Lalpa siehlaw Mosie ruot leiman chu Jerusalem le Juda rama inthawka hung la dingin ieng dinga Levi mihai hi i tir naw am a na?

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

MATTHAI 13:19

Tukhawmin ram thu chu naa a lo hriet a, a ngaina a hriet si naw chun, mi suol chu a hung a, a lungrila the sa chu a lâkpêk hlak. Chu chu lampui sîra the chu a nih.

MATTHAI 13:21

nisienlakhawm, amaa chun zung a um naw leiin sâwt nawte chau a um a; chun, thu lei chun, rinumna amanih, suknawmnatna amanih a hung um phingleh a tlu nghâl el hlak.

MATTHAI 7:8

nawk ro, hawngpêkin um in tih; tukhawm a hni taphawt chun an hmu hlak; tukhawm a zawng chun an hmu hlak; tukhawm a nawk chu hawngpêk ning an tih.

MARKA 6:20

Herodin Johan chu mi fel le mi inthiengtak a nih ti a hriet leiin ama chu a ṭi a, a hum tlat si a, a thu a ngai chun a lunginzîng hle hlak a: nisienlakhawm, lâwm takin a ngai hlak a.

JOHAN 5:35

Chu Johan chu khâwnvar chawktak le var tak a nih, a varah lân sukhlim in nuom kha.

THILTHAWHAI 8:13

Chun, Simon rau khawmin a âwi ve ta a, chun baptisma a chang zo chun, Philip kuomah a um zing a. Inchikna le thilmak nasatak thawa umhai chu a hmu ve a, mak a ti hle hlak a.