MATTHAI 13:15 - Pathien Lekhabu Inthieng (BSI)

¹⁵ Hi chihai lungril hi a lo ngawng ta a, An nahai a lo sêt ta a, An mit an insîm bawk a. Chuong naw chun an mitin hmûng an ta, An nain hrieng an ta, An lungrilin hre bawk an ta, Ngha kîr nâwk an ta, Keiin anni sukdam hlau rawi ka tih,’ a ti kha.

MATTHAI 13:15 ပူးပေါင်းရင်းမြစ်များ

INPÂKNA HLABU 119:70

An lungril chu rîlrâng thau angin a thau a, Kei ruok chu i dân chungah ka lâwm hlak.

THUVARHAI 16:30

Mithai insîmtu chun thil ṭha naw a remruot a, Hmûr inchîp tlattu chun thil suol chu ân tlungtir hlak.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

ISAI 57:18

A um dânhai chu ka hmu a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

JEREMIA 17:14

Aw Lalpa, mi sukdam la, sukdamin um ka tih; mi sandam la, sandamin um ka tih; ka inpâkna chu nang i ni si a.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 3:22

“Hnungtawl thlahai, hung kîr ro; in hnungtawlnahai chu lo sukdampêk ka ti cheu.” “Ngai ta, i kuoma chun kan hung ie, nang chu Lalpa kan Pathien chu i ni si a;

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

HOSEA 14:4

An hnungtawlna hi sukdam ka ta, Annia inthawka ka lunginsenna chu ân kieng ta leiin, Anni chu ka hmangai hrim hrim ding a nih.

ZEKARIA 7:11

Nisienlakhawm, an pawisa nuom naw a, an liengko an herhmang a, an hriet nawna dingin an nahai an suksêt a.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MARKA 4:12

chuongchun, ‘Hmu chu an hmu thei de a, hriet ruok chu an hriet thei nawna ding le na ruok chun an hriet thei de a, a ngaina ruok chu an hriet thei nawna dingin, chuong naw chun ngha kîr nawk an ta, ngaidam hung ni hlau rawi an tih,’ ” a ta.

LUKA 19:42

“Aw, nang hin tuta sûng hin thlamuongna ding thu hi lo hre hrâm la chu aw! Nisienlakhawm, tuhin chu i hmu thei nawna dingin ân thup ta si a.

THILTHAWHAI 28:27

Hi chihai lungril hi a lo ngawng ta a, An nahai a lo sêt deu a, An insîm bawk a, Chuong naw chun ei mitin hmûng ei ta, Ei nain hrieng ei ta, Ei lungrilin hre bawk ei ta, Ngha kîr nâwk rawi ei ta, Amain mi sukdam hlau rawi a tih,’ an ti a,” a ti kha.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

THILTHAWHAI 7:57

Chun, anni chu rawl inringtakin an khêk a, an na an hip a, inthuruolin an thaw a.

2 TIMOTHE 4:4

An na chu thutak tieng chun suksêt an ta, tienami thu tieng pêt tâng an tih.

HEBRAIHAI 5:11

Chu mi chanchina chun hril ding tamtak kan nei a, hrilfie khawm ân tak, in na a lo sêt ta leiin.

THUPUONGSUO 22:2

Chun, vadung pang tuoka chun Hringna Thing, chi tum sâwm le pahnia ra, thla kipa ra, a um a; chu thing hnahai chu hnam tin sukdamna ding a nih.