MATTHAI 13:13 - Pathien Lekhabu Inthieng (BSI)

¹³ Chuleichun, tekhithuin an kuomah ka hril a nih; hmu hai sien khawm an hmu ngai naw a, nain hrehai sien khawm an hriet ngai naw a, a ngaina khawm an hriet ngai naw leiin.

MATTHAI 13:13 ပူးပေါင်းရင်းမြစ်များ

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

EZEKIEL 12:2

“Mihriem naupa, nang sûngkaw hel hmang, hmûna dinga mithai nei si a, hmu lohai, hrietna dinga nahai nei si a, hre lohai laia chêng, sûngkaw hel hmang an ni si a.

EZEKIEL 20:49

Chun, kei chun, “E, Lalpa Pathien! Ama hi tekhithu hriltu a nih an nâwm a nih? an mi ti el a nih,” ka ta.

MATTHAI 13:16

“Nangni mit chu a vângnei a nih, a hmu hlak leiin; in na khawm a vângnei a nih, a hriet hlak leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:8

“Pathienin vawisûn chen hin inlusukna thlarau a pêk a, hmu thei nawna mithai le, hriet thei nawna nâhai dâm le chun,” tia ziek ang khan.