MATTHAI 12:42 - Pathien Lekhabu Inthieng (BSI)

⁴² Simtieng lalnu kha ngaituo pha chun tulai ruoltharhai lai hin tho vêng a ta, thiemnaw inchangtir a tih; Solomon varna ngai ding hmanin kâwlkawdawnga inthawkin a hung si a; ngai ta u, Solomon nêka ropui lem hitaka hin a um in sawnnaw.

MATTHAI 12:42 ပူးပေါင်းရင်းမြစ်များ

1 LALHAI 10:24

Pathienin a lungrila varna thu a siepêk chu ngai dingin khawvêla mi po pohai chun Solomon chu an hung pan huoi huoi hlak a.

1 LALHAI 3:12

ngai ta, varna le hrietna lungril ka pêk che a nih; chuongchun, i hmaah nangma ang hrim hrim tukhawm an um naw a, i hnunga khawm nanga ang hrim hrim chu tukhawm hung um ta naw bawk an tih.

1 LALHAI 3:28

Chun, Israelhai po po chun chu thua lal rorêl dân chu an lo hriet a; lal chu an ṭi ta hle el a; rorêlna dinga Pathien varna amaa chun a um ti an hriet ta si a.

1 LALHAI 3:9

Chuongchun, i mihai rorêlpêkna dingin i siehlaw hi hrietna lungril hung pe la, a sie le a ṭha ka thlier theina dingin, i mi hieng zât zozai hi tuin am ro rêlpêk thei a ta le?” a ta.

1 LALHAI 4:29

Chun, Pathienin Solomon chu varna le hrietna nasatak le, lungril lienna tuipui kama phaiphin ang el a nasa a pêk a.

1 LALHAI 4:34

Chuongchun, Solomon varna chanchin hre taphawthai chu khawvêla lalhai po poa inthawkin chi tina mi a varna ngai dingin an hung hlak a.

1 LALHAI 5:12

Chun, Lalpain a tiem ang ngeiin Solomon chu varna a pêk a, chun, Hiram le Solomon inkâra chun inremna a um a, an pahni chun thu an thlung ve ve ta a.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

MATTHAI 12:41

Ninevi khuoa mihai chu ngaituo pha chun tulai ruoltharhai kuomah hin ngîr vêng an ta, thiemnaw inchangtir an tih; Jona thu hril leiin an sim si a; Jona nêka ropui lem hitaka hin a um in sawnnaw.

MATTHAI 12:6

Iengkhawm ni sien, Pathien biekin nêka ropui lem hitaka hin a um ti ka hril cheu hi.

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

DÂN PAHNINA 30:13

‘kan hrieta kan zâwm theina dingin tu am râlah mi fepêk a ta, mi hung lapêk ding?’ ti dingin tuisuoriet râla mi khawm a ni chuong nawh.