MATTHAI 12:30 - Pathien Lekhabu Inthieng (BSI)

³⁰ Tukhawm keia tienga ṭhang naw chu a mi do a nih; tukhawm a mi lâk khâwmpui naw chun a sukdar a nih.

MATTHAI 12:30 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 94:16

Tu am thil ṭha naw thawtuhai mi thawpêk dingin tho a ta? Tu am thil suksuoltuhai mi thawpêk dingin ngîr a ta?

THUVARHAI 11:24

Semdar raka pung deu deu si a um a, Mamaw tâwk bâk inro tlata tlasam si a um bawk a.

HOSEA 1:11

Chun, Juda mipuihai le Israel mipuihai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni si a.

MATTHAI 12:29

Chuongchu a ni si naw chun, miin mi hrât chu a khuop hmasa bak naw chun, iengtin am mi hrât inah lûtin a sum lapêk thei a ta? Chu hnunga ruok chun a in chu inrampêk el a tih.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

MARKA 9:40

Tûkhawm a mi kal naw chu eini tienga ṭhang a ni si a.

LUKA 11:23

Tûkhawm, keia tienga ṭhang naw chu a mi do a nih; tûkhawm a mi lâk khâwmpui naw chun, a the dar a nih.

LUKA 9:50

Isu ruok chun a kuomah, “Khap ta naw ro, tûkhawm nangni sêlkal naw chu in tienga ṭhang a ni si a,” a ta.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.

JOSUA 5:13

Chun, Josua chu Jeriko khaw bula a la um lai chun a dâk a, a hang en a; a hma zâwn ela chun mi pakhat a kâwlhnâm phawisa chawia lo ngîr zing hi a hmu a. Josua chun a hang pan a, a kuoma chun, “Keini tienga ṭhang am i ni, kan hmêlmahai tieng?” a ta.

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.