MATTHAI 12:28 - Pathien Lekhabu Inthieng (BSI)

²⁸ Amiruokchu, kei Pathien Thlarau leia khawhrihai hnawt dawk hlak ka ni chun, Pathien ram in kuomah a hung tlung tah nîng a tih.

MATTHAI 12:28 ပူးပေါင်းရင်းမြစ်များ

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

MATTHAI 12:18

“En ta, ka siehlaw, ka ithlang, Ka idittak, ka lungrilin a ilâwm bêk bêk hi; A chungah ka Thlarau sieng ka ta, Chuongchun, Jentailhai kuomah rorêlna thu hril a tih.

MATTHAI 12:29

Chuongchu a ni si naw chun, miin mi hrât chu a khuop hmasa bak naw chun, iengtin am mi hrât inah lûtin a sum lapêk thei a ta? Chu hnunga ruok chun a in chu inrampêk el a tih.

MATTHAI 21:31

Chuonghai pahni atu lem chun am an pa dit zâwng an thaw a?” a ta. Anni chun, “A hmasa lem chun,” an ta. Isûn an kuomah, “Titakzetin ka hril cheu hi, siedâwltuhai le nawchizawrhai chun, Pathien ramah an lût khal ding cheu a ni hi.

MATTHAI 21:43

“Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

MARKA 1:15

“Hun chu a hung tlung ta a, Pathien ram khawm a hung hnai ta a, sim unla Chanchin ṭha hi ring ro,” a ti pei a.

MARKA 11:10

Ram hung tlung ding ei Pa David ram chu, inpâkin um raw se; A chunghnungtaka khin Hosanna,” tiin an khêk a.

MARKA 16:17

Chun, hieng inchiknahai hin a awituhai chu zui pei a tih: Ka hmingin khawhrihai hnawt dawk an ta, ṭawng tharhaiin ṭawng an tih.

LUKA 10:11

‘In khaw pilvut kan kephaa kai khawm hi in chungah kan hrûk fai hi; nisienlakhawm, Pathien ram in kuomah a hung tlung tah ti hi hre ro,’ ti ro.

LUKA 11:20

Amiruokchu, kei Pathien kut pâr leia khawhrihai hnawt dawk hlak ka ni chun, Pathien ram in kuomah a hung tlung tah nîng a tih.

LUKA 16:16

Johan a hung hma po khan Dân le Zâwlneihai kha hmang an nih. A hung chena inthawk ruok chun Pathien ram chanchin ṭha hril a ni a, mitinin lût ngei an tum seng a,

LUKA 9:2

Chuongchun, Pathien ram thu hril ding le, damnawhai sukdam dingin a tir suok ta a.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.