MATTHAI 12:18 - Pathien Lekhabu Inthieng (BSI)

¹⁸ “En ta, ka siehlaw, ka ithlang, Ka idittak, ka lungrilin a ilâwm bêk bêk hi; A chungah ka Thlarau sieng ka ta, Chuongchun, Jentailhai kuomah rorêlna thu hril a tih.

MATTHAI 12:18 ပူးပေါင်းရင်းမြစ်များ

INPÂKNA HLABU 89:19

Chuong lai chun i mi inthienghai kuomah inlârnaah thu i hril a, “Mi pakhat hrâttak chunga chun ṭhangpuina kân nghat a, Mi pakhat, mihai laia inthawka thlang suok chu ka chawimawi ta a.

ISAI 11:2

chun, Lalpa thlarau-varna le hriet theina thlarau, remruotna le hrâtna thlarau, hrietna le Lalpa ṭina thlarau chu-a chungah fûng a tih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 52:13

Ngai ta, ka siehlaw chun vartak- in thâwng a ta, chawimawi le chawisângin um a ta, insângtakin um a tih.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

MATTHAI 12:17

Zâwlnei Isaiin hieng thu a hril hi a hung tlung theina dingin:

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MARKA 1:11

Chun, “Nang ka Naupa dittak i nih, i chungah ka lungni bêk bêk a nih,” tiin vâna inthawkin râwl a hung suok a.

MARKA 9:7

Chun, anni chu hliein sûm a hung suok a, “Ahi ka Naupa dittak a nih, ama thu ngai ro,” a ta.

LUKA 23:35

Chun, mipuihai chun ngîrin an thlîr a. Chun, hotuhai khawmin, “Mi dang hman a sukdam hlak annâwm; Pathien ithlang Krista a ni zet chun ama le ama insukdam ta sienla,” tiin an ti-el a.

LUKA 3:22

Thlarau Inthieng chu taksa putin vaṭhu angin a hung ṭum a, a chungah a fu ta a; chun, vâna inthawkin râwl a hung suok a, “Nang ka Naupa dittak i nih; i chungah ka lâwm ngawt el,” a ta.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

LUKA 9:35

Chun, sûma chun râwl a hung suok a, “Hi hi ka Naupa, ka thlang chu a nih, ama thu ngai ro,” a ta.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 14:27

Chun, an tlung hnungin kohranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

KOLOSSA 1:1

Paula, Pathien dit zâwnga Krista Isu tirko le Timothe, ei unaupa chun:

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

1 PETER 2:4

Ama chu lung hring, mihriemhai dit naw ngei, Pathien ngaia ruok chun thlang le hlutak a nih,

2 PETER 1:17

Ama chun Pa Pathien kuoma inthawkin chawimawina le ropuina a hmu a, chu lai chun ropuina nasataka inthawk chun hieng ang râwl hi a kuomah a hung tlung a, “Hi hi ka Naupa dittak, ka ilâwm bêk bêk a nih,” tiin.