MATTHAI 11:8 - Pathien Lekhabu Inthieng (BSI)

⁸ Annawleh, ieng en ding takin am in fe suok kha? Puon innêm sil maw? Ngai ta u, puon innêm silhai chu lal inahai in sawnnaw an um.

MATTHAI 11:8 ပူးပေါင်းရင်းမြစ်များ

2 LALHAI 1:8

Anni chun, “Ama chu sahmul puon sila, a kâwng chu kâwngkhia inhrên a nih,” tiin an dawn a. Chun, ama chun, “Tisbe mi Elija kha a ni chu,” a ta.

ISAI 20:2

chu lai chun Lalpain Amoz naupa Isai bauin, “Fe la, i kâwnga saiip puon kha hlîp la, i kea kekawk kha sie rawh,” tiin a hril a. Chuongchun, chuong ang chun a thaw a, saruok le kekawk bun lovin a fe a fe ta a.

ZEKARIA 13:4

Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

MATTHAI 11:7

Chun, chuhai chu an fe phingleh, Isûn mipui kuoma chun Johan thu a hril ta a, “Ieng en dingin am thlalêrah in fe suok kha? Luong thli imût hnîng maw?

MATTHAI 11:9

Annawleh, ieng lei takin am in fe suok kha? Zâwlnei en dingin maw? A ni ngei kha, ka ti cheu hi, zâwlnei nêk khawma ropui lem,

MATTHAI 3:4

Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

LUKA 7:25

Annawleh, ieng en ding takin am in hang fe a? Puon innêm sil maw? Ngai ro, puon innêm sil le mi inhawitirhai chu lal inahai in sawnnaw an um.

1 KORINTH 4:11

Tu chen khawm hin, kan phîng a ṭâmin kan dang a châr a, silfên kan khawp naw a, mi kut inthak nûlna kan na, umna bulbâl kan nei naw a,

2 KORINTH 11:27

sâwlnaa le sininrimnaahai, intheinawnaahai vawi tamtak, phîngṭâm le dangchârnaahai, bungheinaahai vawi tamtak, khawsik le saruoka umnaahai dâm ka um hlak.

DÂN PAHNINA 28:54

Nangni laia mi nun ṭha mi tlangtakhai khawmin an unaupahai dâm, an nuhmei dittakhai dâm, an la umpui an nauhai takngiel khawm hmu nuom naw ni hai a,

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.