MATTHAI 11:5 - Pathien Lekhabu Inthieng (BSI)

⁵ mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 11:5 ပူးပေါင်းရင်းမြစ်များ

2 LALHAI 5:14

Chun, a zu fe a, Pathien mi hril ang chun Jordan vadunga chun vawi sari a zûn phûm a; a taksa chu naupang chitê pang angin a hung um ta a, a hung inthieng vawng ta a.

2 LALHAI 5:7

Chun, Israel lal chun lekhathawn chu a tiem phingleh, a puonhai a keithlêr a, “Hi mipa hin mi ân phârna sukdam dinga ka kuoma a hung tir hi sukdam ding le sukhlum dingin Pathien am ka nih? amiruokchu, ngaituo ta u, ka ngên cheu hi, keia chunga insêlna a zawngzie hi en ta u,” a ta.

INPÂKNA HLABU 146:8

Lalpa chun mitdelhai mit a sukvar hlak a, Lalpa chun kûn ngâwi ngâwi hai chu a keitho hlak a; Lalpa chun mi felhai chu a hmangai hlak.

INPÂKNA HLABU 22:26

Thuhnuoirawlhai chun fâng an ta, tlai an tih: Ama zawngtuhai chun Lalpa chu inpâk an ta, An lungril chu kumkhuoin hringin um raw se.

FESUOKNA 4:11

Lalpa chun a kuomah, “Mihriem bau chu tuin am a siem a? Tuin am mi chu ṭawngtheilo, nasêt, mitvar le mitdelin a siem? Kei, Lalpa hin ni lo am a nih?

ISAI 29:18

Chu nia chun nasêthai chun lekhabu thu chu nain hre tâng an ta, mitdelhai mithai chun inthim hnuoi le inthim laia inthawkin hmu tâng an tih.

ISAI 29:19

Thuhnuoirawlhai khawmin Lalpaa chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 43:8

Mit nei si mitdelhai le, na nei si nasêthai chu, ṭhuoi suok ro.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

ZEKARIA 11:7

Chuongchun, sathattu berâm ruol chu ka châwm a, berâm ruol chautak el nang chu. Chun, hmawl pahni ka lâk a, pakhat chu Ditsak kân bûk a, a dang chu Pumkhatna kân bûk a; chun, berâm ruol chu ka châwm ta a.

MATTHAI 10:8

Damnawhai sukdam unla, mithi- hai keitho unla, phârhai sukthieng unla, khawhrihai hnawt dawk ro, a thlâwnin in hmu a, a thlâwnin pe ro.

MATTHAI 11:4

Chun, Isûn an kuomah, “Fe nâwk ta unla, thil in hmu le in hriet hi Johan kuomah va hril ro;

MATTHAI 12:13

Chu phingleh, chu mipa kuoma chun, “I kut phar rawh,” a ta. Chuongchun, a phar a, a khing tieng angin a dam ta var a.

MATTHAI 21:14

Chun, Pathien biekina chun mitdelhai le kebaihai a kuomah an hung a, anni a sukdam a.

MATTHAI 5:3

“Thlaraua pasiea inhriehai chu an hamṭha; vân ram an ta a ni si a.

MATTHAI 9:30

Chuongchun, an mit chu a hung var ta a. Chun, Isûn an kuomah, “Tukhawm ihriet naw dingin fimkhur ro,” a ti tlat a.

MARKA 7:37

“Ama chun iengkim ṭhatakin a thaw a; nasêt dâm a sukvarpêk a, ṭawng thei naw dâm khawm ân ṭawngtir hlak,” an ta, mak an ti nasa bêk bêk a.

MARKA 9:25

Chun, Isûn mipui an hung tlân khâwm chu a hmuin khawhri inthieng naw chu a hal a, a kuomah, “Nang thlarau ṭawng thei naw le nasêt, thu ka pêk che hi, a sûnga inthawk hung suok la, lût nâwk ta naw rawh,” a ta.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

JOHAN 10:25

Isûn an kuomah, “Ka hril ta cheu kha in awi si nawh; ka Pa hminga thil ka thaw hi, hieng hin ka chanchin ân hriettir a ni hi.

JOHAN 10:38

Amiruokchu, thaw ka ni chun, kei mi ring naw unla khawm, sinthawhai bêk hi ring ro; Pa keimaah a um ti le, kei Paah ka um ti in hriet a, in ringna dingin,” a ta, a dawn a.

JOHAN 2:23

Chun, Fekân Ruoiṭhea Jerusalema a um lai chun, a thilmak thawhai an hmu a, mi tamtakin a hming an ring ta a.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 5:36

“Nisienlakhawm, inhriettirna ka nei hi Johan inhriettirna nêk khan a ropui lem a nih; Pain thil thaw zo dinga a mi pêk, ka thilthaw ngei hin Pain a mi tir a ni ti ka chanchin ân hriettir a nih.

JOHAN 9:7

chun, a kuomah, “Siloam dîlah va sâwp rawh,” a ta. (Siloam chu, “Tir,” tina a nih.) Chun, a va fe a, a sâwp a, mit varin a hung ta a.

THILTHAWHAI 2:22

“Nangni Israel mihai hieng thu hi lo ngai ro; Nazareth Isu chu, Pathienin nangni lai thilthaw mak dâm, thilmak dâm, inchikna dâm inthawtirin ân hriet chiengtir cheu kha,

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?