MATTHAI 11:14 - Pathien Lekhabu Inthieng (BSI)

¹⁴ In awi nuom chun, chu chu Elija, a hung ding chu a nih.

MATTHAI 11:14 ပူးပေါင်းရင်းမြစ်များ

EZEKIEL 2:5

Chun, an lo ngai khawma, an lo ngaisak naw khawmin amanih, anni laia zâwlnei a um ti chu hre chêk an tih, (sûngkaw hel an ni si a).

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

MALAKI 4:5

Ngai ta u, Lalpa hungna ni ṭium- tak le nasatak hma ngei chun zâwlnei Elija chu hung tirpêk ka ti cheu.

MATTHAI 11:13

Zâwlneihai po po le Dân thu chun, Johan hung um chen khan an hril lâwk hlak a nih.

LUKA 1:17

Chun, pahai lungril chu nauhai tienga innghattir ding dâm, mi kâwmawhai chu mi feltak varna tienga innghattir ding dâm, Lalpa ta dinga mihai lo buotsai dingin Elija lungril le thilthawtheina putin Lalpa hmaah fêng a tih,” a ta.

JOHAN 16:12

“In kuomah thu hril ding tamtak ka la nei ta rawp a; nisienlakhawm, tuhin chu tlin hri naw ti niu.

1 KORINTH 3:2

Bu ni lovin, nênetuiin ka châwm cheu kha, bu in la fâk thei naw leiin; anih, tu khawm hin in la fâk thei naw rawp a nih, tisa mi in la ni rawp leiin.

THUPUONGSUO 20:4

Chun, lalṭhungphahai ka hmu a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk lova, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.