MATTHAI 10:42 - Pathien Lekhabu Inthieng (BSI)

⁴² Chun, tukhawm hieng mi chîntak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MATTHAI 10:42 ပူးပေါင်းရင်းမြစ်များ

1 LALHAI 17:11

Chun, la dinga a fe lai chu a hei ko a, bei khawm tlâwmte mi hung chawipêk ta, a ta.

2 LALHAI 4:10

Ka ngên che hi, in sâwng chîtê bâwl ei ta, chutaka chun khum leh, dawkân leh, ṭhungna le khâwnvar siena sieng ei ta, a hung poleh chutaka a lût theina dingin,” a ta.

THUVARHAI 19:17

Mi pasie lunginsiettu chun Lalpa ân pûktir a na, A thil thaw ṭha chu ama chun pe nâwk a tih.

THUVARHAI 24:14

Chuongchun, i lungrila um ding varna chu hrieng i ta, I hmu suok chun, chu chun lâwmman chu um a ta, I beiseina chu sukbo ni naw nih.

THUHRILTU 11:1

Tuihai chunga chun i bei chu pei la, Ni tamtak hnunga chun i hmu nâwk ding a ni si a.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 18:14

Chuong ang bawkin, hieng mi chînhai laia pakhat bohmang khawm hi in Pa vâna mi dit zâwng a ni nawh.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

LUKA 17:2

Hieng mi chînhai laia pakhat khawm sukthlûk nêk chun, a sukthlutu ding rînga chun bu râwt nawina lung inhlitirin, tuisuorietah thlâk ni sienla, a ta dingin ṭha lem a tih.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr lovin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

HEBRAIHAI 6:10

In sin thaw le a hming leia hmangaina in inlangtir, mi inthienghai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si naw a.