MATTHAI 10:28 - Pathien Lekhabu Inthieng (BSI)

²⁸ “Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 10:28 ပူးပေါင်းရင်းမြစ်များ

2 LALHAI 17:39

Lalpa in Pathien ruok chu in ṭi ding a nih; chuongchun, in hmêlmahai po po kuta inthawk chun sansuok ka ti cheu,” tiin.

JOB LEKHABU (THE BOOK OF JOB) 37:24

Chuleiin, mihai chun ama chu an ṭi a, Lungrila vara inngaihai khawm chu a pawisa chuong nawh,” tiin.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

THUHRILTU 5:7

Mang tamtak le, thu tamtakhaia chun teplo tamtak a um a; nang ruok chun Pathien ṭi rawh.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

MATTHAI 10:26

“Chuongchun, anni chu ṭi naw unla; inlang lo dinga thup hmang iengkhawm a um si naw a; hriet naw dinga ip iengkhawm a um bawk nawh.

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

MATTHAI 5:22

kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmangnabopa’ ti taphawt chu rorêlna hmabâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

JOHAN 5:29

suok vawng an tih; thil ṭha thawtuhai chu hringna changin tho nâwk an ta, thil suol thawtuhai chu inthiemnawna changin tho nâwk an tih.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

HEBRAIHAI 10:31

Pathien hring kuta tlûk chu thil râpthlâktak a nih.

HEBRAIHAI 11:35

Nuhmeihaiin an mithihai tho nâwk an hmu a, mi danghai khawm sawisakin an um a, thonâwkna ṭha nâwkzuol an chang theina dingin san suok an nuom nawh.

JAKOB 4:12

Dân petu le rorêltu pakhat chau a um; sandam theia, sukbohmang thei chu; nang tuolbâwmhai sawisêltu chu tu am i ni leh?

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.