MATTHAI 10:22 - Pathien Lekhabu Inthieng (BSI)

²² Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

MATTHAI 10:22 ပူးပေါင်းရင်းမြစ်များ

THUVARHAI 29:27

Mi indik naw chu mi fel ta dingin tirdakum a ni a, Mi tluong chu mi khawhlo ta dingin tirdakum a ni ve thung.

MATTHAI 10:39

Tukhawm a hringna hmu chun chân a ta; keia leia hringna chân chun hmûng a tih.

MATTHAI 24:13

Nisienlakhawm, a tâwpna chena tuor pei taphawt chu, chu ngei chu sandamin um a tih.

MATTHAI 24:9

“Chu phâ chun rinum tuor dingin inmantir an ti cheu a, sukhlum an ti cheu a; ka hming leiin hnam po po theida nîng in tih.

MATTHAI 5:11

“Miin keima leia an hal cheu a, an suknawmna cheu a; khêla suol tinrêngin an hêk pha cheu, in la hamṭha ding a nih.

MARKA 13:13

Ka hming leiin mi po po theida nîng in ta; nisienlakhawm, a tâwp chena tuor pei chu, chu ngei chu sandamin um a tih.

LUKA 21:17

Keia hming leiin mi po po theida nîng in tih.

LUKA 21:19

In selnain in hringna sanhim in tih.

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

LUKA 8:15

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

JOHAN 17:14

I thu an kuomah ka pêk tah; chun, khawvêlin anni chu an theida a, khawvêla mi an ni naw leiin, kei khawvêla mi ka ni naw ang bawkin.

JOHAN 7:7

Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

2 KORINTH 4:11

Keini hringa la umhai hi, Isu leia thi dingin inmantirin kan um rawp a, Isu hringna khawm kan taksa thi theia hin ân lang theina dingin.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

HEBRAIHAI 6:11

Chun, in beiseina chu a famkima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

1 JOHAN 3:13

Unauhai, khawvêlin an theida cheu chun mak ti naw ro.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.

THUPUONGSUO 2:26

A hnetu taphawt le a tâwp chena ka thilthawhai pawmtu chu hnam tin chungah thu inneitir ka tih;

THUPUONGSUO 2:3

Selna i nei bawk a, ka hming leiin i tuor ta a, i châu si naw a.

THUPUONGSUO 2:7

Thlarauin kohranhai kuoma thu a hril hi na nei chun hre raw se. A hnetu taphawt chu Pathien Paradisa Hringna Thinga chu infâktir ka tih,’ tiin.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.