MATTHAI 10:19 - Pathien Lekhabu Inthieng (BSI)

¹⁹ Nisienlakhawm, an inmantir pha cheu khawm, ‘Iengtin am, ieng thu am ka hril ding?’ tiin lungkham naw ro; in hril ding chu a hun taka chun ân hriettir ding cheu a ni si a.

MATTHAI 10:19 ပူးပေါင်းရင်းမြစ်များ

FESUOKNA 4:12

Chuongchun, tuhin fe la, kei i bauah um ka ta, i thuhril ding chu inchûktir ka ti che,” a ti a.

FESUOKNA 4:15

Ama kuoma chun thu hril i ta, thuhai chu ama bauah sieng i ta: i bau le ama baua chun um ka ta, ieng am in thaw ding chu inchûktir ka ti cheu.

JEREMIA 1:7

Nisienlakhawm, Lalpa chun ka kuomah hieng hin a hril a: “Naupang el ka nih, ti naw rawh, Tu kuoma khawm ka tirna phawt che kuoma chun i fe ding a ni si a; Thu ka pêk ang pei che chun thu hril bawk i tih.

JEREMIA 1:9

Chun, Lalpa chun a kutin a hung ban a, ka bau chu a tâwk ta a; chun, Lalpa chun ka kuoma chun, “Ngai ta, i baua chun ka thuhai chu ka sie tah,

MATTHAI 10:18

anih, hotuhai le lalhai hmaah annihai le Jentailhai inhriettirna dingin, keima leiin la ṭhuoi an ti cheu.

MATTHAI 6:25

“Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?

MATTHAI 6:31

Chuongchun, ‘Ieng am fâng ei ta?’ ‘Ieng am dâwn ei ta?’ amanih, ‘Ieng silin am um ei ta?’ ti amanih, lungkham naw ro. Jentailhaiin chuong po po chu an zawng hlak a nih.

MATTHAI 6:34

Chuongchun, a zînga dingin lungkham naw ro, a zîng chun ama ding chu a lungkham fâwm ding a ni si a. Ni khat dingin ni khat rimsik a hun a nih.

LUKA 12:11

“Chun, inkhâwmna ina mihai, lalhai, hotuhai hmaa an ṭhuoi pha cheu chun, ‘Iengtin am, ieng thuin am dawn ka ta, ieng thu am hril ka ta,’ tiin lungkham naw ro,

LUKA 12:12

chu pha taka chun, ieng am in hril ding ti Thlarau Inthieng chun hril a ti cheu,” a ta.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei naw a.

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.