MATTHAI 10:15 - Pathien Lekhabu Inthieng (BSI)

¹⁵ Titakzetin ka hril cheu hi, ngaituo nia chun chu khuohai nêk chun Sodom le Gomorra ram tuor ding chu a dân um lem a tih.

MATTHAI 10:15 ပူးပေါင်းရင်းမြစ်များ

MATTHAI 12:36

Chun, ka hril cheu hi, mihaiin thu teplo an hril taphawt, chuong thu chanchin chu ngaituo nia chun hril an tih.

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thaihâng chite amanih, pakhat khawm, bo naw tawp a tih, a rênga a tlung kim hmakhat chun.

MATTHAI 7:22

Chu nia chun mi tamtakin, ‘Lalpa, Lalpa, i hmingin thu kan hrilin, i hmingin khawhri dâm kan hnawtdawkin, i hmingin thilmak tamtak kan thaw hlak a ni naw am a nih?’ la tîng an tih.

MARKA 6:11

Chun, khâwlai khuo khawmin an lâwm naw cheu a, in thu an ngâi nawna poah, chutaka inthawka in suok pha chun, anni inhriettirna dingin in kepha hnuoia pilvut kai chu thinthla ro,” a ta.

JOHAN 12:48

Tûkhawm mi dit lova, ka thu hrilhai vawn lo chun, thiemnaw inchangtirtu pakhat a nei a nih; ka thu hril kha, kha thu ngei khan ni kin nia chun ama thiemnaw inchangtir a tih.

JOHAN 6:39

Hi hi a mi tirtu dit zâwng chu a nih, amân a mi pêk po po iengkhawm inhmang naw lang, ni kin nia chun keitho lem lang.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

1 KORINTH 3:13

ni chun a suklang ding a ni si a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.

1 THESSALONIKA 5:4

Nisienlakhawm, unauhai, nangni ruok chu, chu Ni chun inru anga a nangna ding cheuin inthimah in um nawh.

HEBRAIHAI 10:25

Ṭhenkhat thaw dân anga inkhâwm dâm bânsan lovin, infui tuo lem ei tiu, ni chu hung hnai deu deua in hrietin infui tuo nâwkzuol sau ro.

2 PETER 2:6

Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiemnaw ân changtir ta a.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

1 JOHAN 4:17

Hitaka hin ei chungah hmangaina a famkim tah; rorêl nia ṭi lova ei um theia hin; ama um anga khawvêla hin ei um leiin.

JUDA 1:6

Chun, vântirkohai anni nîna pawm lova, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.