MATTHAI 10:12 - Pathien Lekhabu Inthieng (BSI)

¹² Chun, ina chun in lût dingin chibai bûk ro.

MATTHAI 10:12 ပူးပေါင်းရင်းမြစ်များ

INPÂKNA HLABU 122:7

I kul sûnga chun thlamuongna um sienla, I lal inhaia chun thawvengna um raw se.

INPÂKNA HLABU 122:8

Ka unauhai le ka ruolhai leiin, “I sûngah thlamuongna um raw se,” tîng ka tih.

EZEKIEL 2:5

Chun, an lo ngai khawma, an lo ngaisak naw khawmin amanih, anni laia zâwlnei a um ti chu hre chêk an tih, (sûngkaw hel an ni si a).

MATTHAI 10:11

“Chun, khaw liena manih, khaw chîna manih, in lûtna taphawta chun ân tlungtir tlâk ding cheu mi zawng dawk unla, in suok nâwk hmakhat chutaka chun tlung zing ro.

MATTHAI 10:13

Chun, ina mihai chu intlungtir tlâk cheu an ni chun, in thlamuongna thu chu an chungah tlung sienla; an tlâk naw ruok chun in thlamuongna thu chu in chungah hung kîr nâwk raw se.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

3 JOHAN 1:14

sâwtnawtê hnunga hmu che ka beisei lem a, chuongchun, inhmatuoin inbieng ei tih.

1 SAMUEL 25:6

chun, mi neinungtakpa kuoma chun hieng ang hin hril ro, ‘I chunga dâm, i sûngkuohai chunga dâm, i nei po po chunga dâm, lungmuongna um raw se.