MATTHAI 10:1 - Pathien Lekhabu Inthieng (BSI)

¹ Chun, a inchûktir sâwm le pahnihai chu a ko a, anni hnawt dawk theina dingin khawhri inthiengnawhai chunga thuneina a pêk a; damnawna tinrêng le natna tinrêng sukdam theina dingin thuneina a pêk bawk a.

MATTHAI 10:1 ပူးပေါင်းရင်းမြစ်များ

MATTHAI 19:28

Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhungphaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

MATTHAI 26:20

Chun, khuo a hung inhnu chun, inchûktir sâwm le pahnihai leh buthlêng an awt a;

MATTHAI 26:47

Chun, a la hril lai zingin Juda, sâwmpahni hai laia mi pakhat chu, a hung tlung ta a, ama ruol chun thiempu lalhai le upahai kuoma inthawkin mipui nasatak, kâwlhnâm le hembâwk chawiin an hung tlung bawk a.

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng sukdamin Galili ram po po a fang pei a.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

MATTHAI 9:35

Chun, Isûn an inkhâwmna inhaia inchûktirin, Ram Chanchin Ṭha chu hrilin, damnawna tinrêng le, natna tinrênghai sukdamin khaw lien le khaw chînhai po po a fang pei a.

MATTHAI 9:38

Chuleiin, a bu sîk dinga sinthawtu dinghai tir dingin bu Neitupa kuoma chun ngên ro,” a ta.

LUKA 10:19

Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

LUKA 24:49

Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.

LUKA 6:13

Chun, khawvar phingleh a închûktirhai chu a ko a; anni laia mi sâwm le pahni a thlang a, an hminga khawm tirko ân bûk a;

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

JOHAN 3:27

Johanin a dawn a, “Mihriemin iengkhawm an nei thei nawh, vâna mi pêk a ni naw chun,

JOHAN 3:35

Pa chun Nau a hmangai a, a kutah iengkim a rêngin a pêk tah.

JOHAN 6:70

Chun, Isûn an kuomah, “Nangni sâwm le pahnihai hi keia thlang in ni naw am a nih? Nangni laia pakhat diebol a ni nâwk nghâl si,” a ta.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 19:15

Nisienlakhawm, khawhri chun an kuomah, “Isu ka awi, Paula khawm ka hriet, nangni ruok chu tuhai am in ni leh?” a ta, a dawn a.

THUPUONGSUO 12:1

Chun, thilmak ropuitak vânah a hung inlang ta a; nuhmei nisaa inthuom, a ke hnuoia thla um, arasi sâwm le pahnia siem lallukhum khum a hung um a;