MATTHAI 1:12 - Pathien Lekhabu Inthieng (BSI)

¹² Chun, Babulon tienga sala an ṭhuoi hnungin Jekoniain Salathiel a thla a; Salathielin Zerubbabel a thla a;

MATTHAI 1:12 ပူးပေါင်းရင်းမြစ်များ

2 LALHAI 24:14

Chun, Jerusalema mi po po, mi lien po pohai, mi hrât huoisen ṭha po pohai dâm, sing khat zet, themthiem le thirsu po po salah a ṭhuoi vawng a; chu rama mi a pasie sie ti lo chu tukhawm an um ta naw a.

2 LALHAI 25:27

Chun, Juda lal Jehoiakin sala ân tâng kum sâwmthum le kum sarina, thla sâwm le thla hnina, ni sâwmhni le ni sari niin Babulon lal Evil-merodakin ân lal ṭan kumin Juda lal Jehoiakin chu intângna ina inthawkin a ṭhuoi suok a,

1 CHANCHIN SUINA 3:17

Chun, Jekonia, suok intâng, naupasalhai chu: a naupa Sealtiel,

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

NEHEMIA 12:1

Sealtiel naupa Zerubbabel le Jesua kuoma fe ve thiempuhai le Levi mihai chu hieng hi an nih; Seraia, Jeremia, Ezra,

JEREMIA 22:24

Lalpa chun, ka hring zing angin, Jehoiakim naupa Konia chu ka kut changtienga kutsebi sûngphûm ni sienla khawm, chutaka inthawk chun hmalthlâng ka ti che;

JEREMIA 22:28

Hi Konia hi bêl kawidar, hmusitum am a ni naw am ni? Ama hi bêl a sûnga duzâwng um nawna chu a ni naw am a ni? Iengdinga pei suoka, ama le a chihai, an ihriet naw rama chu pei suoka um am an na?

JEREMIA 22:30

Lalpa chun hieng hin a tih: Hi pa hi nau boah, a dam sûnga mi hlawtling ngai lo dingin ziek rawh, ama chia mi hrim hrim hi tukhawm hlawtling ngai naw ni hai; David lalṭhungphaa ṭhung thua le, Juda rama ro la rêl pei ding thuah.

JEREMIA 27:20

chuong Babulon lal Nebukadnezzarin Juda lal Jehoiakim naupa Jekonia chu sala Jerusalema inthawka Babulona Jerusalem le Juda rama mi ṭhahai po po chu sala a ṭhuoi laia a lâk sa ve nawhai chungthu chu;

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun Lalpa an Pathien râwl le, Lalpa an Pathienin ama a tir angin, zâwlnei Haggai thuhai chu an pawm ta a; chuongchun, mipui chun Lalpa chu an ṭi ta a.

HAGGAI 1:14

Chuongchun, Lalpa chun Juda ram awptu, Sealtiel naupa Zerubbabel lungril le, Jehozadak naupa Josua, thiempu lal lungril le, mipui a la um sunhai lungril chu a chawkhar ta a. Chuongchun, an hung a, sipaihai Lalpa an Pathien ina chun sin an thaw ta a,

HAGGAI 2:2

“Juda ram awptu Sealtiel naupa Zerubbabel kuoma le, Jehozadak naupa Josua, thiempu lal kuoma le, mipui la um sunhai kuoma chun hril la,

HAGGAI 2:23

‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai Lalpa chun a tih; ‘nang hi inchikna namna angin siem ka ti che,’ Lalpa chun a tih; ‘nang hi ka lo thlang ta si che a,’ sipaihai Lalpa chun a tih ” tiin.

MATTHAI 1:11

Babulon tienga sala an ṭhuoi lai vel khan, Josiain Jekonia le a unauhai a thla a;

MATTHAI 1:13

Zerubbabelin Abiud a thla a; Abiudin Eliakim a thla a; Eliakimin Azor a thla a;

MATTHAI 1:17

Chuongchun, suon po po chu Abrahama inthawk David chenin suon sâwmpali, Davida inthawka Babulon tienga sala an ṭhuoi chenin suon sâwmpali, Babulon tienga sala an ṭhuoia inthawka Krista chenin suon sâwmpali an nih.

LUKA 3:27

Ama chu Joanan nau a na, Ama chu Rhesa nau a na, Ama chu Zerubbabel nau a na, Ama chu Sealtiel nau a na, Ama chu Neri nau a na,