MARKA 9:44 - Pathien Lekhabu Inthieng (BSI)

⁴⁴ [Chu hmuna chun an nge a thi ngai ta naw a, mei khawm chu a rêm ngai ta nawh.]

MARKA 9:44 ပူးပေါင်းရင်းမြစ်များ

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

MATTHAI 25:41

“Chu zoa chun a vawitienga mihai kuoma khawm chun, ‘ṭawngsephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei lovin râw hmang a tih,” a ta.

MARKA 9:43

Chun, i kutin a sukthlûk che chun, tan el rawh; kut pahni neia Hremhmun mei rêm thei nawa fe nêkin, kut bûla hringnaa i lût chu i ta dingin a ṭha lem.

MARKA 9:45

Chun, i kein a sukthlûk che chun tan rawh; ke pahni neia Hremhmuna peia i um nêk chun, ke baia hringnaa i lût i ta dingin a ṭha lem.

MARKA 9:48

chu hmuna chun an nge a thi ngai ta naw a, mei khawm chu a rêm ngai ta bawk nawh.

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bohmangna chu;

THUPUONGSUO 14:10

a lunginsenna noa iengkhawm pawl lova siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei ta a; chuongchun, chatuonin a sûn a zâna sawisakin um an tih.

THUPUONGSUO 20:15

Tûkhawm Hringna Buah a hming ziek an hmu naw chun mei dilah an pei bawk a.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.